കോഴിക്കോട്: നിലമ്പൂരില്‍ പൊലിസുമായുള്ള ഏറ്റുമുട്ടലില്‍ മാവോയിസ്റ്റുകള്‍ കൊല്ലപ്പെട്ട സംഭവത്തിനെതിരേ പ്രമുഖര്‍. നിലമ്പൂരില്‍ നടന്നത് വ്യാജ ഏറ്റുമുട്ടലാണെന്ന് മനുഷ്യാവകാശ പ്രവര്‍ത്തകന്‍ ഗ്രോ വാസു.

നേരത്തെ പൊലിസ് നടത്തിയ ഏറ്റുമുട്ടലിനെതിരേ സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ രംഗത്തെത്തിയിരുന്നു. പൊലിസ് മാവോയിസ്റ്റുകള്‍ക്കെതിരേ ഏകപക്ഷീയമായ ഏറ്റുമുട്ടലാണ് നടത്തിയത്. പൊലിസുകാരുടെ രോമത്തിന് പോലും പരുക്കേറ്റിട്ടില്ല എന്നതും അതിന് തെളിവാണെന്നും അദ്ദേഹം പറഞ്ഞു. മനുഷ്യാവകാശ പ്രവര്‍ത്തകന്‍ എന്ന നിലയില്‍ കോടതിയില്‍ പോകുമെന്നും പറഞ്ഞ ഗ്രോ വാസു മാവോയിസ്റ്റുകളുടെ മൃതദേഹം ഏറ്റെടുക്കാന്‍ തയ്യാറാണെന്നും ഇക്കാര്യം മലപ്പുറം എസ്.പിയെ അറിയിച്ചിട്ടുണ്ടെന്നും പറഞ്ഞു.