മുംബൈ: മുംബൈ നഗര പ്രാന്തത്തിലെ ജോഗേശ്വരിയില്‍ ഫര്‍ണിച്ചര്‍ മാര്‍ക്കറ്റില്‍ വന്‍ തീപിടിത്തം. ഇന്നലെ ഉച്ചയ്ക്ക് ഒന്നോടെയായിരുന്നു തീ ആളിപ്പടര്‍ന്നത്. ജോഗേശ്വരി റിലീഫ് റോഡില്‍ ഓഷിവാരയിലാണ് തിപിടിത്തമുണ്ടായതെന്ന് അഗ്നിശമന സേനാ വിഭാഗം അറിയിച്ചു. ഏതാണ്ട് 12ഓളം അഗ്നിശമന യൂണിറ്റുകള്‍ എത്തിയാണ് തീ നിയന്ത്രണ വിധേയമാക്കിയത്.തീപിടിത്തമുണ്ടായ ഉടനെ പ്രദേശത്തു നിന്നും ആളുകളെയെല്ലാം ഒഴിപ്പിച്ചിരുന്നു. ഗ്യാസ് സിലിണ്ടര്‍ ചോര്‍ന്നതാണ് തീപിടിത്തത്തിന് കാരണമായതെന്നാണ് വിവരം. സംഭവത്തില്‍ ആര്‍ക്കെങ്കിലും പരുക്കേറ്റതായ വിവരമില്ല.