തിരുവനന്തപുരം: ശബരിമല തീര്‍ഥാടകരുടെ സൗകര്യാര്‍ഥം തിരുവനന്തപുരം-ചെന്നൈ പ്രതിവാര സൂപ്പര്‍ഫാസ്റ്റ് എക്‌സ്പ്രസ് (12697, 12698), തിരുവനന്തപുരം-നിസാമുദീന്‍ പ്രതിവാര എക്‌സ്പ്രസ് (22653, 22654) ട്രെയിനുകള്‍ക്കു ചെങ്ങന്നൂരില്‍ സ്റ്റോപ്പ് അനുവദിച്ചു. നാളെ മുതല്‍ ജനുവരി പതിനഞ്ചുവരെയാണു സ്റ്റോപ്പ് അനുവദിച്ചിരിക്കുന്നത്.ചെന്നൈയില്‍നിന്നു തിരുവനന്തപുരത്തേക്കുള്ള സൂപ്പര്‍ഫാസ്റ്റ് എക്‌സ്പ്രസ് ട്രെയിന്‍ പുലര്‍ച്ചെ 3.49നാണു ചെങ്ങന്നൂരില്‍ എത്തുക. തിരുവനന്തപുരത്തുനിന്നു ചെന്നൈയിലേക്കുള്ള ട്രെയിന്‍ രാത്രി 10.17നാണു ചെങ്ങന്നൂരില്‍ എത്തുന്നത്. തിരുവനന്തപുരത്തുനിന്നു നിസാമുദീനിലേക്കുള്ള എക്‌സ്പ്രസ് ഉച്ചയ്ക്ക് 2.28നാണു ചെങ്ങന്നൂരിലെത്തുക. തിരിച്ച് 11.25നു ചെങ്ങന്നൂരില്‍ എത്തും.