മലപ്പുറം: ജില്ലാ കേരളോത്സവം ഡിസംബര്‍ 14 മുതല്‍ 18വരെ വേങ്ങരയില്‍ നടക്കും. ബ്ലോക്ക്, മുനിസിപ്പല്‍തല മത്സരങ്ങള്‍ ഡിസംബര്‍ ആദ്യവാരത്തില്‍ പൂര്‍ത്തിയാക്കും. ജില്ലാ മത്സരത്തില്‍ പങ്കെടുക്കുവാനുള്ള എന്റട്രികള്‍ ഡിസംബര്‍ ഒന്‍പതിനു വൈകിട്ട് അഞ്ചിനകം ജില്ലാ പഞ്ചായത്തില്‍ നല്‍കണം.
ഇതുസംബന്ധിച്ച് ജില്ലാപഞ്ചായത്തില്‍ നടന്ന യോഗത്തില്‍ വൈസ് പ്രസിഡന്റ് സക്കീന പുല്‍പ്പാടന്‍ അധ്യക്ഷയായി. സ്ഥിരംസമിതി അധ്യക്ഷന്‍മാരായ ഉമ്മര്‍ അറക്കല്‍, വി. സുധാകരന്‍, ടി. ഹാജറുമ്മ, മെമ്പര്‍ സലീം കുരുവമ്പലം, സെക്രട്ടറി മന്‍സൂര്‍ ഹുസൈന്‍ തുടങ്ങിയവര്‍ പങ്കെടുത്തു.

ജില്ലാ കാംപസ് കാള്‍ തുടങ്ങി

മലപ്പുറം: പാണക്കാട് ഹാദിയ സെന്ററില്‍ നടക്കുന്ന എസ്.കെ.എസ്.എസ്.എഫ് ജില്ലാ കാംപസ് കാളിന് തുടക്കം. പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്തു. ജില്ലാ ജനറല്‍ സെക്രട്ടറി ശഹീര്‍ അന്‍വരി പുറങ്ങ് അധ്യക്ഷനായി. കാംപസിലെ മുസ്‌ലിം വിദ്യാര്‍ഥി എന്ന വിഷയം സിംസാറുല്‍ ഹഖ് ഹുദവിയും കാംപസിലെ സംഘാടകന്‍ വിഷയം റഹീം ചുഴലിയും കല, ഇസ്‌ലാമിന്റെ സൗന്ദര്യം വിഷയം ഡോ. ബഷീര്‍ ഫൈസിയും അവതരിപ്പിച്ചു.
കാസര്‍കോട് ജില്ലാ മുശാവറ അംഗം ഇബ്രാഹീം മുസ്‌ലിയാര്‍, പാണക്കാട് സയ്യിദ് ഹാരിസലി ശിഹാബ് തങ്ങള്‍, ഷാഫി മാസ്റ്റര്‍, റഫീഖ് ഹുദവി കാട്ടുമുണ്ട, അഷ്‌റഫ് മലയില്‍, നിസാമുദ്ദീന്‍ പുതുപ്പറമ്പ്, ശഫീഖ് പൂക്കളത്തൂര്‍ സംസാരിച്ചു.
ദഅ്‌വത്തിന്റെ രീതി ശാസ്ത്രം, അഹ്‌ലുസ്സുന്നത്തിന്റെ ആദര്‍ശ വിശുദ്ധി, ശാസ്ത്രം, വിദ്യഭ്യാസം, സാഹിത്യം, ചലച്ചിത്രം തുടങ്ങിയ വിഷയങ്ങളില്‍ പ്രധാന ചര്‍ച്ചകള്‍ ഇന്നും നാളെയുമായി നടക്കും.
ഇന്നു വൈകിട്ട് ഹാദിയ സെന്ററില്‍ ജില്ലാ സെക്രട്ടേറിയറ്റും ചേരും.

നും