ചെറുവത്തൂര്‍: പാസിങ് ഔട്ട് പരേഡിന്റെ ചരിത്രത്തില്‍ ഇനി കാസര്‍കോട്ടെ ആറുവനിതാ പൊലിസുകാരുടെ പേരും രേഖപ്പെടുത്തും. തൃശൂര്‍ പൊലിസ് അക്കാദമിയില്‍ നടന്ന വനിതാ പൊലിസുകാരുടെ പാസിങ് ഔട്ട് പരേഡില്‍ ആദ്യമായി വനിതകള്‍ തന്നെ ബൈക്കില്‍ വിശിഷ്ടാതിഥികളുടെ പൈലറ്റുമാരായി.
ആദൂര്‍ സ്റ്റേഷനിലെ സുമി ബാബു, ചീമേനിയിലെ രേഷ്മാ ഗിരീഷ്, വെള്ളരിക്കുണ്ടിലെ രമ്യാ കുഞ്ഞികൃഷ്ണന്‍, ചന്തേരയിലെ ലിഷാ വിജയ്, ഷീനാ ശ്രീനാഥ്,ആശാ അജയന്‍ എന്നിവരാണു പാതിനാലാം ബാച്ച് പാസിങ് ഔട്ട് പരേഡില്‍ ബൈക്കില്‍ അകമ്പടി സേവിച്ചത്. മുഖ്യമന്ത്രി പിണറായി വിജയന്‍, ഡി.ജി.പി ലോക് നാഥ് ബെഹ് റ എന്നിവരായിരുന്നു വിശിഷ്ടാതിഥികള്‍.അക്കാദമിയിലെ എ.ഡി.എം ടി മനോജിന്റെ നേതൃത്വത്തില്‍ എസ്.ഐ സജിത്ത്, ഇന്‍സ്ട്രക്ടര്‍മാരായ ക്രിസ്തുദാസ്, സിനോ, ബൈജു, സുജേഷ് എന്നിവരാണു ബൈക്ക് ഓടിക്കുന്നതിനുള്ള പരിശീലനം നല്‍കിയത്.