കൊല്ലം: 37ാമത് ദേശീയ റോവിങ് ചാംപ്യന്‍ഷിപ്പ് കൊല്ലം അഷ്ടമുടിക്കായലില്‍ ഈ മാസം 29 മുതല്‍ ഡിസംബര്‍ നാലു വരെ നടക്കും. നാലു ലൈനുകളിലായി 1000 മീറ്റര്‍ ദൂരത്തിലാണ് മത്സരങ്ങള്‍. തേവള്ളി പാലത്തിനു സമീപത്തു നിന്നാരംഭിച്ച് ആശ്രാമം അഡ്വഞ്ചര്‍ പാര്‍ക്കില്‍ സമാപിക്കും. ആണ്‍കുട്ടികളും പെണ്‍കുട്ടികളും ഉള്‍പ്പെടെ 24 സംസ്ഥാനങ്ങളില്‍ നിന്നായി 350 കായിക താരങ്ങള്‍ പങ്കെടുക്കും. ഫിലിപ്പി ലിഡോ (ഇറ്റാലിയന്‍) ബോട്ടുകളിലാണ് മത്സരങ്ങള്‍ നടക്കുക. ഡിസംബര്‍ ഒന്നിനു ഉച്ചയ്ക്ക് രണ്ടിനു ധനമന്ത്രി തോമസ് ഐസക്ക് ഉദ്ഘാടനം ചെയ്യും.