മാനന്തവാടി: ജില്ലാ കായിക മേളയില്‍ ഹാട്രിക് വിജയം നേടി മീനങ്ങാടി കുതിപ്പ്. വയനാടന്‍ കായിക ഭൂപടത്തില്‍ തങ്ങളുടെ ആധിപത്യത്തിന് വെല്ലുവിളി ഉയര്‍ത്താന്‍ മറ്റാരും ഇല്ലെന്ന് ഒരിക്കല്‍ക്കൂടി പ്രഖ്യാപിച്ചാണ് മീനങ്ങാടിയുടെ ജൈത്രയാത്ര. പതിമൂന്ന് സ്വര്‍ണവും, 14 വെള്ളിയും അഞ്ച് വെങ്കലവും നേടി 112 പോയിന്റുകളുമായാണ് മീനങ്ങാടി വെന്നിക്കൊടി പാറിച്ചത്. എട്ടാമത് റവന്യൂ ജില്ലാ കായിക മേളയില്‍ തങ്ങളുടെ ആറാം കിരീടമാണ് മീനങ്ങാടി മാനന്തവാടിയില്‍ നേടിയത്. കാട്ടിക്കുളം ജി.എച്ച്.എസ്.എസ് ആറ് സ്വര്‍ണവും ഏഴ് വെള്ളിയും എട്ട് വെങ്കലവുമടക്കം 59 പോയിന്റുമായി രണ്ടാം സ്ഥാനം നേടി. 32 പോയിന്റുകള്‍ നേടിയ അരണപ്പാറ ജി.എച്ച്.എസ്.എസ്സിനാണ് മൂന്നാം സ്ഥാനം. അതെ സമയം റവന്യൂ ജില്ലാ കായിക മേളയിലെ ഒരു തവണത്തെ ജേതാക്കളും നിരവധിതവണ റണ്ണേഴ്‌സ് അപ്പുമായിരുന്ന കാക്കവയല്‍ ജി.എച്ച്.എസ്സ് 17 പോയിന്റുമായി എട്ടാംസ്ഥാനത്തേക്ക് പിന്തള്ളപ്പെട്ടു. ബത്തേരി ഉപജില്ല 47 സ്വര്‍ണവും 32 വെള്ളിയും 31 വെങ്കലവും നേടി 396 പോയിന്റുകളുമായി ഉപജില്ലാ തലത്തില്‍ ഒന്നാംസ്ഥാനവും 26 സ്വര്‍ണവും 33 വെള്ളിയും 32 വെങ്കലവുമായി 279 പോയിന്റുകളുമായി മാനന്തവാടി ഉപജില്ല രണ്ടാം സ്ഥാനവും, 172 പോയിന്റുകളുമായി വൈത്തിരി ഉപജില്ല മൂന്നാം സ്ഥാനവും നേടി. സമാപന സമ്മേളനം സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് അധ്യക്ഷയായി.മാനന്തവാടി: ജില്ലാ കായിക മേളയില്‍ ഹാട്രിക് വിജയം നേടി മീനങ്ങാടി കുതിപ്പ്. വയനാടന്‍ കായിക ഭൂപടത്തില്‍ തങ്ങളുടെ ആധിപത്യത്തിന് വെല്ലുവിളി ഉയര്‍ത്താന്‍ മറ്റാരും ഇല്ലെന്ന് ഒരിക്കല്‍ക്കൂടി പ്രഖ്യാപിച്ചാണ് മീനങ്ങാടിയുടെ ജൈത്രയാത്ര. പതിമൂന്ന് സ്വര്‍ണവും, 14 വെള്ളിയും അഞ്ച് വെങ്കലവും നേടി 112 പോയിന്റുകളുമായാണ് മീനങ്ങാടി വെന്നിക്കൊടി പാറിച്ചത്. എട്ടാമത് റവന്യൂ ജില്ലാ കായിക മേളയില്‍ തങ്ങളുടെ ആറാം കിരീടമാണ് മീനങ്ങാടി മാനന്തവാടിയില്‍ നേടിയത്. കാട്ടിക്കുളം ജി.എച്ച്.എസ്.എസ് ആറ് സ്വര്‍ണവും ഏഴ് വെള്ളിയും എട്ട് വെങ്കലവുമടക്കം 59 പോയിന്റുമായി രണ്ടാം സ്ഥാനം നേടി. 32 പോയിന്റുകള്‍ നേടിയ അരണപ്പാറ ജി.എച്ച്.എസ്.എസ്സിനാണ് മൂന്നാം സ്ഥാനം. അതെ സമയം റവന്യൂ ജില്ലാ കായിക മേളയിലെ ഒരു തവണത്തെ ജേതാക്കളും നിരവധിതവണ റണ്ണേഴ്‌സ് അപ്പുമായിരുന്ന കാക്കവയല്‍ ജി.എച്ച്.എസ്സ് 17 പോയിന്റുമായി എട്ടാംസ്ഥാനത്തേക്ക് പിന്തള്ളപ്പെട്ടു. ബത്തേരി ഉപജില്ല 47 സ്വര്‍ണവും 32 വെള്ളിയും 31 വെങ്കലവും നേടി 396 പോയിന്റുകളുമായി ഉപജില്ലാ തലത്തില്‍ ഒന്നാംസ്ഥാനവും 26 സ്വര്‍ണവും 33 വെള്ളിയും 32 വെങ്കലവുമായി 279 പോയിന്റുകളുമായി മാനന്തവാടി ഉപജില്ല രണ്ടാം സ്ഥാനവും, 172 പോയിന്റുകളുമായി വൈത്തിരി ഉപജില്ല മൂന്നാം സ്ഥാനവും നേടി. സമാപന സമ്മേളനം സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് അധ്യക്ഷയായി.