കളമശ്ശേരി: കളമശ്ശേരി നഗരസഭ കേരളോത്സവത്തിന്റെ കായിക മത്സരങ്ങളാണ് ശനിയാഴ്ച നടന്നത്. വിവിധ വേദിയില്‍ അത്‌ലറ്റിക് ഇനങ്ങളും, ക്രിക്കറ്റ്, വോളിബോള്‍ തുടങ്ങിയ മത്സരങ്ങളാണ് നടത്തിയത്.
നിരവധി കായിക താരങ്ങള്‍ മത്സരങ്ങില്‍ പങ്കെടുത്തു. അത്‌ലറ്റിക് ഇനങ്ങളിലെ മത്സരങ്ങള്‍ കളമശ്ശേരി പോളിടെക്‌നിക് ഗ്രൗണ്ടിലാണ് സംഘടിപ്പിച്ചത്. വൈസ് ചെയര്‍മാന്‍ ടി.എസ്. അബൂബക്കര്‍ രാവിലെ മത്സരം ഫ്‌ലാഗ് ഓഫ് ചെയ്തു. വോളിബോള്‍ മത്സരം സ്റ്റാന്റിംഗ് കമ്മിറ്റി അധ്യക്ഷ വിമോള്‍ വര്‍ഗീസ് ഉദ്ഘാടനം നടത്തി. ക്രിക്കറ്റ് മത്സരം എച്ച്.എം.ടി സ്‌കൂള്‍ ഗ്രൗണ്ടില്‍ നടത്തി. പ്രതിപക്ഷ നേതാവ് ഹെന്നി ബേബി മത്സരം ഉദ്ഘാടനം ചെയ്തു.ചടങ്ങുകളില്‍ ചെയര്‍പേഴ്‌സണ്‍ ജെസ്സി പീറ്റര്‍, സ്റ്റാന്റിംഗ് കമ്മിറ്റി അദ്ധ്യക്ഷരായ റുക്കിയ ജമാല്‍, സബീന ജബ്ബാര്‍, കൗണ്‍സിലര്‍മാരായ ഗോപാലകൃഷ്ണന്‍ പിള്ള, ഉഷ വേണുഗോപാല്‍, അഞ്ജു മനോജ് മണി, എ.എ. പരീത്, ടി.എ.അബ്ദുള്‍ സലാം, വി.എസ് അബൂബക്കര്‍ കണ്‍വീനര്‍ എന്‍ രവി, കോഓര്‍ഡിനേറ്റര്‍ പി.എം നജീബ് തുടങ്ങിയവര്‍ പങ്കെടുത്തു.