കല്‍പ്പറ്റ: ടൂറിസ്റ്റ് വിസയില്‍ വയനാട്ടിലെത്തി ഗവേഷണം നടത്തിയ വിദ്യാര്‍ഥിയെ സ്വദേശമായ അമേരിക്കയിലേക്ക് തിരിച്ചയച്ചു. മിനസോട്ട യുനിവേഴ്‌സിറ്റിയിലെ കാള്‍സണ്‍ സ്‌കൂള്‍ ഓഫ് മാനേജ്‌മെന്റ് വിദ്യാര്‍ഥി രഹാമിം സാമുവല്‍ ജുദാമിനെയാണ്(27) ജില്ലാ പൊലിസ് മേധാവി കെ. കാര്‍ത്തികിന്റെ നിര്‍ദേശപ്രകാരം കഴിഞ്ഞ ദിവസം തിരിച്ചയച്ചത്.
ഓഗസ്റ്റ് 28ന് ബംഗളൂരുവില്‍ ടൂറിസ്റ്റ് വിസയില്‍ എത്തിയ ഇയാള്‍ വയനാട് തൃക്കൈപ്പറ്റയിലെ ഉറവ് നാടന്‍ ശാസ്ത്ര സാങ്കേതിക ഗവേഷണ കേന്ദ്രത്തെക്കുറിച്ച് പഠനം നടത്തുകയായിരുന്നു. വിസയില്‍ പറയുന്ന കാര്യങ്ങള്‍ക്കു മാത്രമാണ് വിദേശികള്‍ക്ക് അനുമതി. ടൂറിസ്റ്റ് വിസയില്‍ എത്തി ആയുര്‍വേദ ചികിത്സ നടത്തുന്നവര്‍ക്കെതിരേയും നടപടി ഉണ്ടാകുമെന്ന് ജില്ലാ പൊലിസ് മേധാവി അറിയിച്ചു.