ശ്രീനഗര്‍: ജമ്മുകശ്മീരില്‍ വീണ്ടും ഏറ്റുമുട്ടല്‍. നഗോര്‍ത്തയിലെ സൈനിക കേന്ദ്രത്തിന് സമീപമാണ് സൈനികരും ഭീകരരും തമ്മില്‍ ഏറ്റുമുട്ടല്‍ നടന്നത്. വെടിവെപ്പില്‍ ഒരു സൈനികന് പരുക്കേറ്റു. ഇന്ന് പുലര്‍ച്ചെയാണ് ശ്രീനഗര്‍-ജമ്മു ദേശീയ പാതക്ക് സമീപം ഏറ്റുമുട്ടലുണ്ടായത്. പ്രദേശത്തു നിന്ന് ജനങ്ങളെ ഒഴിപ്പിച്ചു. സമീപത്തെ സ്‌കൂളുകളെല്ലാം അടക്കാന്‍ നിര്‍ദേശം നല്‍കിയിട്ടുണ്ട്. അതേസമയം, സാംബ മേഖലയിലെ രാംഗര്‍ഹിലേക്ക് നുഴഞ്ഞുകയറാനുള്ള ഭീകരരുടെ ശ്രമം സൈന്യം പരാജയപ്പെടുത്തി. സൈന്യവും ഭീകരരും തമ്മില്‍ വെടിവെപ്പ് തുടരുകയാണ്.