കൊണ്ടോട്ടി: കുഴല്‍ കിണര്‍ നിര്‍മാണ യൂണിറ്റിന്റെ ലോറി നിയന്ത്രണം വിട്ട് വൈദ്യത തൂണ്‍ തകര്‍ത്തു. ഇതോടെ കൊണ്ടോട്ടി മേഖലയില്‍ വൈദ്യുതി മുടങ്ങി. ഇന്നലെ പുലര്‍ച്ചെ കൊണ്ടോട്ടി പഴയങ്ങാടി വലിയ ജുമഅത്ത് പള്ളിയുടെ മുന്‍വശത്താണ് അപകടം. കോഴിക്കോട് ഭാഗത്ത് നിന്ന് വരികയായിരുന്ന ലോറിയാണ് അപകടത്തില്‍ പെട്ടത്. ഇടിയുടെ ആഘാതത്തില്‍ വൈദ്യുത തൂണ്‍ മുറിഞ്ഞ് വാഹനത്തിന്റെ മുന്‍വശത്ത് കുടങ്ങി.ക്രെയിന്‍ എത്തിച്ച് ഏറെ ശ്രമകരമായാണ് അപകടത്തില്‍ പെട്ട വാഹനം മാറ്റിയത്.ഇതോടെ കൊണ്ടോട്ടി മേഖലയില്‍ വൈദ്യുതി ബന്ധം തകരാറിലായി.വൈദ്യുത തൂണ്‍ മാറ്റി സ്ഥാപിച്ച് വൈകീട്ടോടെയാണ് വൈദ്യുത ബന്ധം പുനസ്ഥാപിക്കാനായത്.