കോട്ടക്കല്‍: കോട്ടക്കുളം വാര്‍ഡിന്റെ വികസന ചര്‍ച്ചകള്‍ക്കും പരാതി പരിഹാരവും ലക്ഷ്യമിട്ട് ആരംഭിക്കുന്ന 'എന്റെ കോട്ടക്കുളം' പദ്ധതിക്ക് തുടക്കമായി. നഗരസഭ ചെയര്‍മാന്‍ കെ.കെ നാസര്‍ ഉദ്ഘാടനം ചെയ്തു. വാര്‍ഡ് കൗണ്‍സിലര്‍ അബ്ദു മങ്ങാടന്‍ അധ്യക്ഷനായി. സ്ഥിരംസമിതി അധ്യക്ഷന്‍മാരായ ടി.വി സുലൈഖാബി, ടി.വി മുംതാസ്, കൗണ്‍സിലര്‍മാരായ അഹമ്മദ് മണ്ടായപ്പുറം, തിരുനിലത്ത് നാസര്‍, കൃഷി ഓഫിസര്‍ ഉണ്ണികൃഷ്ണന്‍, കെ.എം ഖലീല്‍ സംസാരിച്ചു. ജൈവ അടുക്കളത്തോട്ടം പദ്ധതിയുടെ ഭാഗമായി മികച്ച കര്‍ഷകന് അവാര്‍ഡ് നല്‍കും. കൃഷിക്കുള്ള വിത്ത്, വളം എന്നിവ കൃഷിവകുപ്പ് നല്‍കും.