കട്ടപ്പന: കട്ടപ്പന ഉപജില്ല കലോത്സവത്തിനു മേരികുളം സെന്റ് മേരീസ് ഹയര്‍ സെക്കന്‍ഡറി സ്‌കൂളില്‍ തുടക്കമായി.
കലോത്സവത്തിനു തുടക്കംകുറിച്ച് മേരികുളം ജംഗ്ഷനില്‍നിന്നും ആരംഭിച്ച വിളംബരറാലി കട്ടപ്പന ഡി.വൈ.എസ്.പി രാജ്‌മോഹന്‍ ഫ്‌ളാഗ് ഓഫ് ചെയ്തു.
സമ്മേളനം ഇ.എസ്. ബിജിമോള്‍ എം.എല്‍.എ ഉദ്ഘാടനം ചെയ്തു. സ്‌കൂള്‍ മാനേജര്‍ ഫാ. ഫിലിപ്പ് തടത്തില്‍ അധ്യക്ഷത വഹിച്ചു. ജനറല്‍ കണ്‍വീനര്‍ സെലീന തോമസ്, എ.ഇ.ഒ ടി.പി. മോഹന്‍ദാസ്, പി.ടി.എ പ്രസിഡന്റ് പി.എം. സൈനുദീന്‍, അഭിലാഷ് മാത്യു, വിജയമ്മ ജോസഫ്, സുലോചന ചന്ദ്രന്‍, പി.ജെ. ജോസഫ്, പി.എം. തോമസ്, പി.വി. ഷാജി, പി.ജെ. തോമസ്, ബിജുമോന്‍ ജോസഫ് തുടങ്ങിയവര്‍ പ്രസംഗിച്ചു.
സംസ്ഥാന അധ്യാപക അവാര്‍ഡ് ജേതാവ് സണ്ണി ജോര്‍ജ് കരിവേലിക്കല്‍, ദേശീയ കാര്‍ട്ടൂണ്‍ അവാര്‍ഡ് ജേതാവ് സജിദാസ് മോഹന്‍ എന്നിവരെ ചടങ്ങില്‍ ആദരിച്ചു.
എട്ടുവേദികളിലായി നടക്കുന്ന മത്സരങ്ങളില്‍ മൂവായിരത്തോളം കുട്ടികള്‍ പങ്കെടുക്കുന്നുണ്ട്. മേള നാളെ സമാപിക്കും.