ചെറുതുരുത്തി : സമസ്ത തൃശൂര്‍  ജില്ലാ കോഡിനേഷന്‍ കമ്മറ്റിയുടെ നേതൃത്വത്തിലുള്ള നബിദിനാഘോഷത്തിന്  ഇന്ന് തുടക്കമാകും. പ്രവാചകന്‍ മുഹമ്മദ് നബി (സ)യുടെ   1491-ാം  ജന്മദിനാഘോഷത്തിന് 1000 ത്തോളം മഹല്ല്   മദ്രസകളിലും ഒരുക്കങ്ങള്‍ പൂര്‍ത്തിയായി.   തൊഴിയൂര്‍ ദാറുല്‍ റഹ്മ യത്തീംഖാനയില്‍ വെച്ച് ഇന്ന് രാവിലെ 10 ന് സമസ്ത ജില്ലാ പ്രസിഡന്റ് എസ്.എം.കെ തങ്ങള്‍ നബിദിനാഘോഷത്തിന്റെ ഉദ്ഘാടനം നിര്‍വ്വഹിക്കു.ം  കുഴിങ്ങര ജുമാ മസ്ജിദ് ഖബര്‍സ്ഥാനിലെ   ശൈഖുന തൊഴിയൂര്‍ കുഞ്ഞഹമ്മദ് മുസ്്‌ലിയാരുടെ മഖാമില്‍  സിയാറത്തും ഉണ്ടാകും. എസ്.എം.എഫ് ജില്ലാ പ്രസിഡന്റ്് ചെറുവാളൂര്‍ േൈഹദ്രാസ് മുസ്്‌ലിയാര്‍ സിയാറത്തിന് നേതൃത്വം നല്‍കും. ജില്ലാ തല ഉദ്ഘാടനത്തിന് ശേഷം തുടര്‍ന്നുള്ള ദിവസങ്ങളില്‍ മഹല്ലുകളിലും, മദ്രസകളിലും,  റെയ്ഞ്ച്  മേഖല താലൂക്ക്  കേന്ദ്രങ്ങളിലും നബിദിനാഘോഷം നടക്കും.  മൗലീദ് പാരായണം, നബിദിന റാലി, അന്നദാനം, പ്രഭാഷണങ്ങള്‍, പ്രവാചക പ്രകീര്‍ത്തന സദസുകള്‍,  സെമിനാറുകള്‍, സിമ്പോസിയം എന്നിവയും നടക്കും. ജില്ലാ നബിദിന റാലി ഡിസംബര്‍ 27ന്  ചാവക്കാട്  നടക്കുമെന്ന് സമസ്ത കോഡിനേഷന്‍ കമ്മിറ്റി  ഭാരവാഹികള്‍ അറിയിച്ചു.