ന്യൂഡല്‍ഹി: ഇടതുപക്ഷ പാര്‍ട്ടികളുടെ പുനരേകീകരണം അടിയന്തരമായ അനിവാര്യതയാണെന്ന് സി.പി.ഐ ജനറല്‍ സെക്രട്ടറി സുധാകര്‍ റെഡ്ഡി. ഇത് പ്രസ്ഥാനത്തെ മികച്ച ശക്തിയാക്കിയെടുക്കാന്‍ ആത്മവിശ്വാസം നല്‍കുമെന്നും അദ്ദേഹം പറഞ്ഞു. ഇടതു പാര്‍ട്ടികളുടെ പുനരേകീകരണത്തിനുള്ള സമയം ആയിരിക്കുന്നു എന്ന് മാത്രമല്ല, ഇത് ഇപ്പോള്‍ അടിയന്തരമായ അനിവാര്യതയായിരിക്കുകയാണെന്നാണ് തന്റെ വ്യക്തിപരമായ അഭിപ്രായമെന്നും അദ്ദേഹം കൂട്ടിച്ചേര്‍ത്തു.