കട്ടക്ക്: ത്രിപുരക്കെതിരായ രഞ്ജിയില്‍ കേരളം വിജയത്തിലേക്ക്. ആദ്യ ഇന്നിങ്‌സില്‍ ലീഡ് വഴങ്ങിയിട്ടും കേരളം ത്രിപുരയുടെ രണ്ടാമിന്നിങ്‌സ് 162ല്‍ അവസാനിപ്പിച്ചു. വിജയ ലക്ഷ്യമായ 183 റണ്‍സിലേക്ക് ബാറ്റു വീശുന്ന കേരളം മൂന്നാം ദിനം കളി നിര്‍ത്തുമ്പോള്‍ വിക്കറ്റ് നഷ്ടമില്ലാതെ 117 റണ്‍സെന്ന നിലയില്‍. 10 വിക്കറ്റുകള്‍ കൈയിലിരിക്കേ കേരളത്തിനു 66 റണ്‍സ് മാത്രം മതി വിജയിക്കാന്‍. 80 റണ്‍സുമായി മുഹമ്മദ് അസ്ഹറുദ്ദീനും 37 റണ്‍സുമായി ഭവിന്‍ തക്കറും ക്രീസില്‍.