കോഴിക്കോട്: സമസ്ത കേരള സുന്നി മഹല്ല് ഫെഡറേഷന്റെ കീഴില്‍ ആവിഷ്‌കരിച്ച പാരന്റിങ് സ്‌കൂളിന്റെ ജില്ലാതല ഉദ്ഘാടനങ്ങള്‍ വിപുലമായി നടത്താന്‍ ചെയര്‍മാന്‍ റഷീദലി ശിഹാബ് തങ്ങളുടെ അധ്യക്ഷതയില്‍ ചേര്‍ന്ന ഗവേണിങ് ബോഡി യോഗം തീരുമാനിച്ചു.
തൃശൂര്‍ ജില്ലാതല ഉദ്ഘാടനം ഡിസംബര്‍ ആറിനും കാസര്‍കോട് ഏഴിനും പത്തനംതിട്ട 17നും കൊല്ലം 18നും എറണാകുളത്ത് 20നും നടക്കും. ആലപ്പുഴയില്‍ 21നും കോട്ടയത്ത് 30നും കണ്ണൂരില്‍ 31നുമായി ഉദ്ഘാടന പരിപാടികള്‍ നടക്കും.
തുടര്‍ന്ന് മേഖല, പഞ്ചായത്ത്, മഹല്ല് തലങ്ങളില്‍ ഫെബ്രുവരി, മാര്‍ച്ച് മാസങ്ങളില്‍ ക്ലാസുകള്‍ സംഘടിപ്പിക്കും. യോഗത്തില്‍ കെ. ഉമര്‍ ഫൈസി മുക്കം, എസ്.വി മുഹമ്മദലി മാസ്റ്റര്‍, എ.കെ ആലിപ്പറമ്പ്, സി.ടി അബ്ദുല്‍ ഖാദിര്‍ തൃക്കരിപ്പൂര്‍, എം. ഹക്കീം മാസ്റ്റര്‍, ശംസുദ്ദീന്‍ ഒഴുകൂര്‍, ഇസ്മാഈല്‍ ഹുദവി, പി.സി ഉമര്‍ മൗലവി വയനാട് സംസാരിച്ചു.