എടവണ്ണപ്പാറ: എടവണ്ണപ്പാറ മേഖല സമസ്ത കോഡിനേഷന്‍ കമ്മിറ്റിയുടെ ആഭിമുഖ്യത്തില്‍ സംഘടിപ്പിക്കുന്ന നബിദിന റാലിയും സമ്മേളനവും നാളെ എടവണ്ണപ്പാറയില്‍ നടക്കും.വൈകിട്ട് മൂന്നിന് കണ്ണിയത്ത് ഉസ്താദ് മഖാം സിയാറത്തും നാലിന് വാലില്ലാപ്പുഴ ജുമാമസ്ജിദില്‍ മൗലിദ് പാരായണവും നടക്കും.
മഖാം സിയാറത്തിന് ആനമങ്ങാട് മുഹമ്മദ് കുട്ടി ഫൈസിയും മൗലിദ് പാരായണത്തിന് ജിഫ്രി കുഞ്ഞിസീതിക്കോയ തങ്ങളും നേതൃത്വം നല്‍കും. 4.30 ന് വാലില്ലാപ്പുഴയില്‍ നിന്നു ആരംഭിക്കുന്ന നബിദിന റാലി കണ്ണിയത്ത് ഉസ്താദ് നഗറില്‍ സമാപിക്കും. ഏഴിന് നടക്കുന്ന സമാപന സമ്മേളനം സമസ്ത ട്രഷറര്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനംചെയ്യും. ടി.വി ഇബ്‌റാഹീം എം.എല്‍.എ, പി.എ ജബ്ബാര്‍ ഹാജി, കെ മുഹമ്മദുണ്ണി ഹാജി തുടങ്ങിയവര്‍ പങ്കെടുക്കും.
എസ്.കെ.എസ്.എസ്.എഫ് സംസ്ഥാന ജനറല്‍സെക്രട്ടറി സത്താര്‍ പന്തല്ലൂര്‍ മുഖ്യപ്രഭാഷണം നടത്തും. രാത്രി ഒന്‍പതിന് നടക്കുന്ന മജ്‌ലിസുന്നൂര്‍ പ്രാര്‍ഥനാ സദസിന് പ്രമുഖര്‍ നേതൃത്വം നല്‍കും.