വെഞ്ഞാറമൂട്: ദൃശ്യാ ഫൈന്‍ ആര്‍ട്‌സ് സൊസൈറ്റിയുടെയും നെഹ്‌റു യൂത്ത് സെന്ററിന്റെയും ആഭിമുഖ്യത്തില്‍ നടന്ന അഡ്വ. വെഞ്ഞാറമൂട് രാമചന്ദ്രന്‍ സ്മാരക പ്രൊഫഷനല്‍ നാടകമേള സമാപിച്ചു.
ഇതിന്റെ ഭാഗമായി നടന്ന സമ്മേളന ഉദ്ഘാടനവും രാമചന്ദ്രന്‍സ്മാരക പ്രതിഭാ പുരസ്‌കാരം നേടിയ നടന്‍ മുകേഷിനുള്ള പുരസ്‌കാര സമര്‍പ്പണവും നാടകമത്സരവിജയികള്‍ക്കുള്ള സമ്മാനവിതരണവും മുഖ്യമന്ത്രി പിണറായി വിജയന്‍ നിര്‍വഹിച്ചു. ഡി.കെ മുരളി എം.എല്‍.എ അധ്യക്ഷനായി.
മുന്‍ എം.എല്‍.എ കോലിയക്കോട് കൃഷ്ണന്‍ നായര്‍, നടന്‍ സുരാജ് വെഞ്ഞാറമൂട്, ചലച്ചിത്ര സംവിധായകന്‍ വൈശാഖന്‍, പുലി മുരുകന്‍ സിനിമയില്‍ മോഹന്‍ലാലിന്റെ ബാല്യകാലം അഭിനയിച്ച അജാസ്, അശോക് ശശി, എസ്. അനില്‍ എന്നിവര്‍ സംസാരിച്ചു.