കായംകുളം: വിവാഹ വാഗ്ദാനം നല്‍കി 20 വയസുകാരിയായ യുവതിയെ പീഡിപ്പിച്ച് ദൃശ്യങ്ങള്‍ മൊബൈല്‍ ഫോണില്‍ പകര്‍ത്തി സോഷ്യല്‍ മീഡിയകളിലൂടെ പ്രചരിപ്പിച്ച യുവാവ് അറസ്റ്റില്‍. കായംകുളം കൊച്ചിയുടെ ജെട്ടി പൂവന്‍തറ പുത്തന്‍വീട്ടില്‍ കണ്ണനെ (27) ആണ് സിഐ കെ.സദന്റെ നേതൃത്വത്തിലുള്ള പൊലിസ് അറസ്റ്റു ചെയ്തത്.
എട്ടുമാസം മുമ്പ് യുവതിയുമായി പ്രണയത്തിലായ ഇയാള്‍ വിവാഹ വാഗ്ദാനം നല്‍കി പീഡിപ്പിച്ച് ദൃശ്യങ്ങള്‍ മൊബൈലില്‍ പകര്‍ത്തുകയായിരുന്നു. പിന്നീട് അകന്നു കഴിഞ്ഞിരുന്ന ഇവര്‍ നാലുമാസങ്ങള്‍ക്കു മുമ്പ് വീïും ഒന്നിച്ചു. എന്നാല്‍ അതിരുവിട്ട ബന്ധത്തിനു യുവതി വഴങ്ങാതെ വന്നപ്പോള്‍ മൊബൈല്‍ ഫോണില്‍ സൂക്ഷിച്ചിരുന്ന ദൃശ്യങ്ങള്‍ സോഷ്യല്‍ മീഡിയയിലൂടെ പ്രചരിപ്പിക്കുകയായിരുന്നു. സംഭവം പുറത്തായതോടെ പലരും മോശമായി പെരുമാറുകയും അശ്ലീലസംഭാഷണം നടത്തുകയും ചെയ്തതോടെ യുവതി പൊലിസില്‍ പരാതി നല്‍കുകയായിരുന്നു.
പൊലിസ് സൈബര്‍സെല്ലിന്റെ സഹായത്തോടെ ദൃശ്യങ്ങള്‍ പ്രചരിപ്പിച്ച കണ്ണന്റെ ചില സുഹൃത്തുക്കായും അന്വേഷണം ആരംഭിച്ചിട്ടുï്. കഴിഞ്ഞ ദിവസം വാട്‌സ്ആപ്പ് ഗ്രൂപ്പുകളില്‍ ഈ ദൃശ്യങ്ങള്‍ പ്രചരിച്ചതോടെയാണ് യുവതിയും ബന്ധുക്കളും വിവരമറിഞ്ഞത്. തുടര്‍ന്ന് പൊലിസില്‍ പരാതി നല്‍കി.