പൊന്നാനി: വര്‍ഷങ്ങള്‍ നീണ്ട കാത്തിരിപ്പിന് വിരാമമിട്ട് ചമ്രവട്ടം കടവ്  കനാല്‍ റോഡ് യാഥാര്‍ഥ്യമായി .പുതിയ റോഡ് ഗതാഗതത്തിനായി തുറന്ന് നല്‍കി.
പൊന്നാനി  ഈശ്വരമംഗലം ചമ്രവട്ടം കടവ് മുതല്‍ പുതിയ ദേശീയപാതയിലേക്ക് എളുപ്പമാര്‍ഗം എത്തിച്ചേരാനുള്ള  റോഡിനായി വര്‍ഷങ്ങള്‍ നീണ്ട കാത്തിരിപ്പിലായിരുന്നു ജനങ്ങള്‍. എം.എല്‍.എ ഫണ്ടുപയോഗിച്ചും  നഗരസഭയുടെ ഫണ്ട് ഉപയോഗിച്ചുമാണ് റോഡ് നിര്‍മാണം പൂര്‍ത്തിയാക്കിയത്.
അഞ്ച് ലക്ഷം രൂപ എം.എല്‍.എ ഫണ്ടില്‍ നിന്നും അര ലക്ഷം രൂപ നഗരസഭാ ഫണ്ടില്‍ നിന്നുമാണ് റോഡ് നിര്‍മാണത്തിനായി ലഭിച്ചത്. 200 മീറ്റര്‍ നീളത്തിലും എട്ടടി വീതിയിലുമാണ് റോഡ് നിര്‍മിച്ചിട്ടുള്ളത്. റോഡിന്റെ ഉദ്ഘാടനം നഗരസഭാ ചെയര്‍മാന്‍ മുഹമ്മദ് കുഞ്ഞി നിര്‍വഹിച്ചു.
വാര്‍ഡ് കൗണ്‍സിലര്‍ ടി രാമകൃഷ്ണന്‍, വി വി ആഷിഖ് എന്നിവര്‍ സംസാരിച്ചു.