ഹവാന: ക്യൂബന്‍ വിപ്ലവ നായകന്‍ ഫിദല്‍ കാസ്‌ട്രോയുടെ സംസ്‌കാരം ഇന്ന് നടക്കും. കാസ്‌ട്രോയുടെ ചിതാഭസ്മം സാന്റിയാഗോ ഡിക്യൂബയില്‍ ഇന്ന് സംസ്‌കരിക്കും. ഇന്ത്യന്‍ സമയം വൈകീട്ട് അഞ്ച് മണിയോടെയാണ് സംസ്‌കാരചടങ്ങുകള്‍ നടക്കുക.

ഒമ്പത് ദിവസത്തെ ദുഖാചരണത്തിന് ശേഷമാണ് സംസ്‌കാരം നടക്കാന്‍ പോകുന്നത്. കാസ്‌ട്രോയുടെ ഭൗതികാവശിഷ്ട പേടകം സാന്റാക്ലാരയിലെ ചെഗുവേര മ്യൂസിയത്തില്‍ സൂക്ഷിക്കും. ക്യൂബയുടെയും ലാറ്റിനമേരിക്കയുടെയും വിമോചന നായകരില്‍ ഒരാളായ ഹോസേ മാര്‍ട്ടിയുടെ സ്മാരകത്തിന് സമീപമാണ് കാസ്‌ട്രോയെ അടക്കം ചെയ്യുക.

ഹവാനയില്‍ നിന്ന് നാലുദിവസത്തെ വിലാപയാത്രയോടെയാണ് കാസ്‌ട്രോയുടെ ഭൗതികാവശിഷ്ടം സാന്റിയാഗോയില്‍ എത്തിച്ചത്.പതിനായിരങ്ങളാണ് ക്യൂബന്‍ തെരുവീഥികളില്‍ കാസ്‌ട്രോയ്ക്ക് അന്ത്യാഭിവാദ്യം അര്‍പ്പിക്കാന്‍ അണിനിരന്നത്.