മനാമ: പത്മശ്രീ ലെഫ്റ്റ്, കേണല്‍ മോഹന്‍ലാലിന്‍റെ പിറന്നാള്‍ ആഘോഷത്തോട് അനുബന്ധിച്ച് ബഹ്‌റൈന്‍ ലാല്‍ കെയെര്‍സിന്‍റെ നേതൃത്വത്തില്‍ റിഫ്‌ഫ അല്‍ ഹിലാല്‍ മെഡിക്കല്‍ സെന്റെറുമായി സഹകരിച്ചു സംഘടിപ്പിച്ച  സൌജന്യ മെഡിക്കല്‍ ക്യാമ്പ് പതിവ് വിപരീതമായി വിശദമായ പരിശോധനകള്‍ കൊണ്ടും കുടുംബങ്ങളുടെ സാന്നിദ്ധൃം കൊണ്ടും ശ്രദ്ധേയമായി. ഏകദേശം ഇരുനൂറോളം പേര്‍ പങ്കെടുത്ത ക്യാമ്പ് മെയ്‌ 20  ഇന്നലെ  രാവിലെ 9 മുതല്‍ ഉച്ചയ്ക്ക്  1 മണിവരെ നീണ്ടു നിന്നു   ലാല്‍ കെയെര്‍സ് പ്രസിഡന്റ്‌ ജഗത് കൃഷ്ണകുമാര്‍ അദ്ധ്യക്ഷത വഹിച്ച ഉത്ഘാടന ചടങ്ങില്‍ സെക്രട്ടറി ഫൈസല്‍ എഫ് എം സ്വാഗതം ആശംസിച്ചു.  ബഹ്‌റൈന്‍ കേരളീയ സമാജം പ്രസിഡന്റ്‌ ശ്രീ. രാധാകൃഷ്ണ പിള്ള ക്യാമ്പ് ഉത്ഘാടനം ചെയ്തു. ഐ സി ആര്‍ എഫ്  അസിസ്റ്റന്റ്‌  സെക്രട്ടറി  ശ്രീ അജയകൃഷ്ണന്‍ ,ലാല്‍ കെയെര്‍സ് രക്ഷാധികാരി  ജ്യോതി മേനോന്‍, അല്‍ ഹിലാല്‍ ഹോസ്പിടല്‍ ഇന്‍ഷുറന്‍സ് ഹെഡ് ഉണ്ണികൃഷ്ണന്‍  എന്നിവര്‍ ആശംസകള്‍ അര്‍പ്പിക്കുകയും തുടര്‍ന്ന്  ലാലേട്ടന്റെ പിറന്നാള്‍ കേക്ക് മുറിക്കുകയും ചെയ്തു. ലാല്‍കെയെര്‍സ് ബഹ്‌റൈന്‍ എക്സിക്യൂട്ടീവ്‌ അംഗങ്ങള്‍ ആയ ഷൈജു, കിരീടം ഉണ്ണി, മനോജ്‌, പ്രജില്‍, ടിറ്റോ,  സുബിന്‍, വിപിന്‍, അരുണ്‍ എന്നിവര്‍ ക്യാമ്പിനു നേത്രുത്വം നല്‍കി