തിരുവനന്തപുരം: ജയലളിതയെ ആശുപത്രിയില്‍ പ്രവേശിപ്പിച്ചതിനെത്തുടര്‍ന്ന് ഉണ്ടായേക്കാവുന്ന ആക്രമ സംഭവങ്ങള്‍ മുന്നില്‍ കണ്ട് കേരളത്തില്‍ നിന്ന് തമിഴ്‌നാട്ടിലേക്ക് സര്‍വിസ് നടത്തുന്ന കെ.എസ്.ആര്‍.ടി.സി ബസുകള്‍ തിരിച്ചു വിളിച്ചു. നേരത്തെ കര്‍ണാടകയില്‍ നിന്നും തമിഴ്‌നാട്ടിലേക്ക് പുറപ്പെട്ട ബസുകള്‍ക്ക് നേരെ കല്ലേറുണ്ടായിരുന്നു. സുരക്ഷാ മുന്‍കരുതലിനെത്തുടര്‍ന്നാണ് ബസുകള്‍ തിരിച്ചുവിളിച്ചിരിക്കുന്നത്. നേരത്തെ വഴി തിരിച്ചു വിടാനായിരുന്നു തീരുമാനം. എന്നാല്‍ പിന്നീട് അക്രമ സംഭവങ്ങള്‍ ഉണ്ടായേക്കുമെന്ന് ഭയന്ന് തിരിച്ചു വിളിക്കുകയായിരുന്നു. ഇതോടെ കേരളത്തില്‍ നിന്നും ചെന്നൈ,കോയമ്പത്തൂര്‍,മധുരൈ,ട്രിച്ചി എന്നിവിടങ്ങളിലേക്കുള്ള യാത്രക്കാര്‍ അനിശ്ചിതത്വത്തിലായി. നിരവധി മലയാളികള്‍ തമിഴ്‌നാട്ടിലെ വിവിധ ഇടങ്ങളില്‍ ജോലി,പഠനാവശ്യാര്‍ത്ഥം യാത്ര പുറപ്പെട്ടിരുന്നു.