ചെന്നൈ: ഇനി ആശങ്കയുടെ മണിക്കൂറുകളിലാണ് തമിഴ്‌നാട്. കഴിഞ്ഞ 24 മണിക്കൂറായി ജയലളിതയുടെ ആരോഗ്യത്തിനായി പ്രാര്‍ഥിച്ചു കണ്ണിലെണ്ണയൊഴിച്ചു കാത്തിരുന്ന ജനത ജയലളിത മരിച്ചെന്ന അഭ്യൂഹം പരന്നതോടെ അക്രമാസക്തരായി. ആശുപത്രി അടിച്ചുതകര്‍ക്കുന്നതിനായായിരുന്നു പിന്നീടുള്ള ശ്രമം. ബാരിക്കേഡ് തകര്‍ത്തതോടെ പൊലിസും അടി തുടങ്ങി. പ്രവര്‍ത്തകരെ വിരട്ടിയോടിച്ചു.

വിരണ്ടോടിയ പ്രവര്‍ത്തകര്‍ പിന്നീട് തിരിച്ചുവന്നിട്ടില്ല. ഇവരും തിരിച്ചുവരുന്നതോടെ ആശുപത്രിക്കുമുന്നില്‍ ജനസാഗരമാകും.

തമിഴ്‌നാട്ടില്‍ കടകളെല്ലാം അടച്ചുതുടങ്ങി. സംസ്ഥാനത്തെ സ്‌കൂളുകള്‍ക്കു നാളെ അവധി നല്‍കിയിട്ടുണ്ട്. സ്വകാര്യ സ്ഥാപനങ്ങളും അടച്ചുതുടങ്ങി. ജനക്കൂട്ടം അക്രമാസക്തരാകുമോ എന്നു പേടിച്ചു പലരും വീടുകളില്‍നിന്നു പുറത്തേക്കിറങ്ങുന്നില്ല.