അഗ്യെറോയ്ക്ക് നാലു കളികളില്‍ സസ്പന്‍ഷന്‍
ലണ്ടന്‍: ചെല്‍സിക്കെതിരായ ഇംഗ്ലീഷ് പ്രീമിയര്‍ ലീഗ് പോരാട്ടത്തിനിടെ ചുവപ്പ് കാര്‍ഡ് കണ്ടു പുറത്തായ മാഞ്ചസ്റ്റര്‍ സിറ്റി താരം സെര്‍ജിയോ അഗ്യെറോയ്ക്ക് നാലു കളികളില്‍ സസ്പന്‍ഷന്‍. താരത്തിന്റെ സസ്പന്‍ഷന്‍ ഫുട്‌ബോള്‍ അസോസിയേഷന്‍ സ്ഥിരീകരിച്ചിട്ടുണ്ട്. മത്സരത്തിനിടെ ചെല്‍സി പ്രതിരോധ താരം ഡേവിഡ് ലൂയിസിനെ ഫൗള്‍ ചെയ്തതിനാണ് അര്‍ജന്റൈന്‍ താരത്തിനെതിരേ റഫറി ചുവപ്പ് കാര്‍ഡ് കാണിച്ചത്.
മത്സരത്തിന്റെ അവസാന നിമിഷങ്ങളിലാണ് സംഭവം അരങ്ങേറിയത്. സീസണില്‍ 16 ഗോളുകളുമായി മികവില്‍ നില്‍ക്കുന്ന അഗ്യെറോയ്ക്ക് ലെയ്സ്റ്റര്‍ സിറ്റി, വാട്‌ഫോര്‍ഡ്, ആഴ്‌സണല്‍, ഹള്‍ സിറ്റി ടീമുകള്‍ക്കെതിരായ മത്സരത്തില്‍ കളിക്കാന്‍ സാധിക്കില്ല.