പാപ്പിനിശ്ശേരി: മാങ്കടവ് ചാലില്‍ കല്ലൂരിക്കാവിനു സമീപം മൂന്നു വടിവാളുകള്‍ കണ്ടെടുത്തു. ഇന്നലെ രാവിലെ പത്തരയോടെ വളപട്ടണം എസ്.ഐ ശ്രീജിത്ത് കൊടേരിയും സംഘവും നടത്തിയ റെയ്ഡിലാണ് വാളുകള്‍ കണ്ടെടുത്തത്. രണ്ടെണ്ണം പിടിയുള്ളതും ഒന്ന് പിടിയില്ലാത്തതും തുരുമ്പെടുത്തതുമായ നിലയിലാണ്. പി.വി.സി പൈപ്പില്‍ ഒളിപ്പിച്ച നിലയിലായിരുന്നു വാളുകള്‍. എസ്.പിയുടെ നിര്‍ദേശപ്രകാരമായിരുന്നു റെയ്ഡ്. കണ്ണൂരില്‍ നിന്നു ഡോഗ് സ്‌ക്വാഡ് എത്തി പരിശോധന നടത്തി. അരോളി കീച്ചേരിക്കുന്ന്, കാട്യംചാല്‍, മാങ്കടവ് ഭാഗങ്ങളില്‍ നാലു മാസത്തിനിടെ 17 വാളുകളാണ് പൊലിസ് കണ്ടെടുത്തത്.