പെരിയ: കേന്ദ്ര സര്‍വകലാശാലയില്‍ ജോലി നല്‍കണമെന്ന് ആവശ്യപ്പെട്ട് പെരിയ മാളോത്തുംപാറ കോളനി നിവാസികള്‍ നടത്തുന്ന പട്ടിണി സമരത്തിന് ഐക്യദാര്‍ഢ്യം പ്രഖ്യാപിച്ച് സമര സഹായ സമിതി നേതൃത്വത്തില്‍ ഇന്ന് പെരിയയില്‍ ദേശീയ പാത ഉപരോധിക്കും.
കോളനിയിലെ ആളുകള്‍ കഴിഞ്ഞ ഇരുപത്തിയഞ്ചു ദിവസമായി നടത്തുന്ന സമരം നിര്‍ത്തലാക്കാന്‍ അധികൃതര്‍ ശ്രമിക്കാത്തതില്‍ പ്രതിഷേധിച്ച് കൊണ്ടാണ് സര്‍വകക്ഷി നേതൃത്വത്തില്‍ രൂപീകരിച്ച സഹായ സമിതിയുടെ നേതൃത്വത്തില്‍ പാത ഉപരോധം നടത്തുന്നത്.