മാള: ആറ് വര്‍ഷം മുന്‍പ് തുടക്കമിട്ട പുത്തന്‍ചിറ കരിങ്ങാച്ചിറ സഌയിസ് കം ബ്രിഡ്ജ് നിര്‍മ്മാണം പാതിവഴിയില്‍ നിലച്ച സംഭവത്തില്‍ കരാറുകാരന്റെ പ്രസ്താവന അടിസ്ഥാന രഹിതമെന്ന് യു.ഡി.എഫ് സംസ്ഥാന പൊതുമരാമത്ത് വകുപ്പ് 1.75 കോടി രുപ വകയിരുത്തി നടപ്പിലാക്കുന്ന ഈ പദ്ധതിയില്‍ നിലവില്‍ ഇതുവരെ നിര്‍മാണം നടത്തിയ തുകയായി കണക്കാക്കി ഒരു കോടി രൂപ പാര്‍ട്ട് ബില്ലായി സബ്ബ്മിറ്റ് ചെയ്തിരുന്നു. 80 ലക്ഷം കരാറുകാരന് ലഭിച്ചിട്ടുണ്ട്. ടി.എന്‍ പ്രതാപന്‍ എം.എല്‍.എ കരാറുകാരന്റെ അനാസ്ഥയില്‍ പ്രതിഷേധിച്ച് അദ്ദേഹത്തിന്റെ വീട്ടുപടിക്കല്‍ സമരം പ്രഖ്യാപിച്ചിരുന്നു.
ഇതോടെയാണ് നിലച്ച നിര്‍മാണം പുനരാരംഭിച്ചത്. പിന്നീട് പല ഘട്ടങ്ങളിലായി കോണ്‍ഗ്രസ് പാര്‍ട്ടിയും, യൂത്ത് കോണ്‍ഗ്രസും പണി പൂര്‍ത്തികരിക്കുന്നതിന് വേണ്ടി ശക്തമായ നിലപാട് സ്വീകരിച്ചിരിന്നു. സര്‍ക്കാര്‍ നിബന്ധനകള്‍ക്ക് വിധേയമായി എഗ്രിമെന്റ് കരാറുകാരന്‍ ഒപ്പിട്ടിരുന്നു. സ്വന്തം ഉത്തരവാദിത്ത്വം ഏറ്റെടുത്ത് ഈ വലിയ വികസന പദ്ധതിയുടെ പണി പൂര്‍ത്തികരിക്കണമെന്ന് പുത്തന്‍ചിറ മണ്ഡലം കോണ്‍ഗ്രസ് കമ്മിറ്റി ആവശ്യപ്പെട്ടു. പ്രസിഡന്റ്് വി.എ നദീര്‍ അധ്യക്ഷനായി.