വെഞ്ഞാറമൂട്: കണിയാപുരം വിദ്യാഭ്യാസ ഉപ ജില്ലാ സ്‌കുള്‍ കലോത്സവത്തിനു കന്യാകുളങ്ങരയില്‍ തുടക്കമായി. കന്യാകുളങ്ങര ബോയ്‌സ് എച്ച്.എസില്‍ നടന്ന വര്‍ണാഭമായ ചടങ്ങില്‍ സി. ദിവാകരന്‍ എം.എല്‍.എ പരിപാടിയുടെ ഉദ്ഘാടനം നിര്‍വഹിച്ചു.
വെമ്പായം പഞ്ചായത്ത് പ്രസിഡന്റ് ബി.എസ്. ചിത്രലേഖ അധ്യക്ഷയായിരുന്നു. നെടുമങ്ങാട് ബ്ലോക്ക് പഞ്ചായത്ത് പ്രസിഡന്റ് ബി. ബിജു, ജില്ലാ പഞ്ചായത്തംഗങ്ങളായ പി. ഉഷാ കുമാരി, എസ്.രാധാദേവി, ,എ.ഇ.ഒ. കെ. മോഹനകുമാര്‍, വെമ്പായം പഞ്ചായത്തംഗം ഇര്‍ഷാദ് കന്യാകുളങ്ങര എന്നിവര്‍ സംസാരിച്ചു.
കിളിമാനൂര്‍
കിളിമാനൂര്‍ : ഉപജില്ലാ സ്‌കൂള്‍ കലോത്സവത്തിനു തുടക്കമായി. ചൊവ്വാഴ്ച്ച തുടങ്ങേണ്ടിയിരുന്ന കലോത്സവം ജയലളിതയുടെ നിര്യാണത്തെ തുടര്‍ന്ന് സര്‍ക്കാര്‍ അവധി പ്രഖ്യാപിച്ചതു മൂലം ഇന്നലത്തേക്കു മാറ്റുകയായിരുന്നു. ശനിയാഴ്ചയാണ് അവസാനിക്കുന്നത്. കലോത്സവത്തിന്റെ ഉദ്ഘാടനം വര്‍ക്കല എം. എല്‍. എ അഡ്വ .ജോയി നിര്‍വഹിച്ചു .കിളിമാനൂര്‍ ഗ്രാമ പഞ്ചായത്ത് പ്രസിഡന്റ് രാജ ലക്ഷ്മി അമ്മാള്‍ അധ്യക്ഷയായി.വിവിധ തലങ്ങളിലെ ജന പ്രധിനിധികളും സംഘാടക സമിതി ഭാരവാഹികളും പങ്കെടുത്തു.
നെടുമങ്ങാട്
ആര്യനാട്: നെടുമങ്ങാട് ഉപജില്ലാ സ്‌കൂള്‍ കലോത്സവത്തിന് ആര്യനാട് വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ വര്‍ണാഭമായ തുടക്കം. ജില്ലാ പഞ്ചായത്ത് അംഗം വി.ബിജു മോഹന്റെ അധ്യക്ഷതയില്‍ കൂടിയ യോഗം ജില്ലാ പഞ്ചായത്ത് പ്രസിഡന്റ് വി.കെ മധു ഉദ്ഘാടനം ചെയ്തു.
എ.ഇ ഒ രാജ് കുമാര്‍, ജില്ലാ പഞ്ചായത്തംഗംആനാട് ജയന്‍, ഗ്രാമ പഞ്ചായത്ത് പ്രസിഡന്റ് മാരായ ഷാമിലാ ബീഗം, എസ്.വി.കിഷോര്‍, പിടിഎ പ്രസിഡന്റ് അന്‍സാരി, കെ.എസ് സുഗതന്‍, വാര്‍ഡ് അംഗം അജിത തുടങ്ങിയവര്‍ സംസാരിച്ചു. ആര്യനാട് കാഞ്ഞിരംമൂട് ജങ്ഷനില്‍ നിന്നും ആരംഭിച്ച സാംസ്‌കാരിക ഘോഷയാത്രയില്‍ വിവിധ കലാരൂപങ്ങള്‍, ചെണ്ടമേളം, തെയ്യം എന്നിവ അണിനിരന്നു. ആറു വേദികളില്‍ 79 സ്‌കൂളുകളില്‍ നിന്നുള്ള 3963 വിദ്യാര്‍ത്ഥികളാണ് കലോത്സവത്തില്‍ പങ്കെടുക്കുന്നത്. ശനിയാഴ്ച വൈകിട്ട് കലോത്സവത്തിന് സമാപനമാകും.