നെടുമങ്ങാട്: വിതുര ചുളിയാ മലയിലെ ചിറ്റിപ്പാറയുടെ ഒരു ഭാഗം അടര്‍ന്ന് വീഴാറായി ഇരിക്കുന്നത് പ്രദേശവാസികള്‍ക്ക് ഭീഷണിയാകുന്നു. ആറുമാസം മുമ്പ് പാറയുടെ ഒരു ഭാഗം ഇളകി വീണിരുന്നു. തുടര്‍ന്ന് നാട്ടുകാര്‍ എം.എല്‍.എക്കും ജില്ലാ പഞ്ചായത്ത് പ്രസിഡന്റ്, കലക്ര്‍, ഡിവിഷണല്‍ ഫോറസ്റ്റ് ഓഫിസര്‍ തുടങ്ങിയവര്‍ക്കും പരാതി നല്‍കിയെങ്കിലും ഇതുവരെ യാതൊരു നടപടിയുമുണ്ടായില്ല. കഴിഞ്ഞ ദിവസം പെയ്ത ശക്തമായ മഴയില്‍ പാറ കഷ്ണങ്ങള്‍ സമീപത്തെ വീടുകളുടെ പുറത്ത് വീഴുകയും നാശനഷ്ടം ഉണ്ടാകുകയും ചെയ്തു. പാറ അടര്‍ന്നു വീഴുന്നത് പ്രദേശത്തുകാരുടെ ജീവനുതന്നെ ഭീഷണിയാവുകയാണ്.