പേരൂര്‍ക്കട: കനകക്കുന്നില്‍ നടന്നുവരുന്ന ഇന്റര്‍നാഷണല്‍ അക്വാ ആന്റ് മാംഗോ ഫെസ്റ്റില്‍ തിരക്കു കൂടുന്നു. 26 വരെയാണ് ഫെസ്റ്റ്.
അവധിക്കാലമായതിനാല്‍ ധാരാളം പേരാണ് മാംഗോ ഫെസ്റ്റ് സന്ദര്‍ശിക്കാനെത്തുന്നത്. കേരളത്തില്‍ നിന്നും വിവിധ രാജ്യങ്ങളിലേക്ക് കയറ്റുമതി ചെയ്യുന്ന 20 ഓളം ഇനത്തില്‍പ്പെട്ട മാങ്ങകളുടെ പ്രദര്‍ശനവും വില്‍പ്പനയും ഫെസ്റ്റിനോടനുബന്ധിച്ച് ഉണ്ട്. കൂടാതെ അലങ്കാര മത്സ്യങ്ങള്‍, വളര്‍ത്തു പക്ഷികള്‍, വീട്ടുപകരണങ്ങള്‍ എന്നിവയുടെ വില്‍പ്പനയും ഇതിനോടനുബന്ധിച്ച് നടക്കുന്നു. കുഞ്ഞുങ്ങള്‍ക്ക് ആകര്‍ഷണമായി കുട്ടികളുടെ പാര്‍ക്കും ഉള്‍പ്പെടുത്തിയിട്ടുണ്ട്.