കൊണ്ടോട്ടി: കൊട്ടുക്കര പി.പി.എം.എച്ച്.എസ്.സ്‌കൂള്‍ നാല്‍പതാം വാര്‍ഷികാഘോഷം നാളെ രാവിലെ ഒന്‍പതിന് സാദിഖലി ശിഹാബ് തങ്ങളും വികസന രൂപരേഖാ പ്രകാശനം ടി.വി. ഇബ്രാഹീം എം.എല്‍.എയും നിര്‍വഹിക്കും.പി. അബ്ദുല്‍ ഹമീദ് എം.എല്‍.എ. മുഖ്യാതിഥിയാകും. ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ അവാര്‍ഡ് ദാനം നിര്‍വഹിക്കും.
ഒരു വര്‍ഷം നീളുന്ന പരിപാടികളാണ് വാര്‍ഷികാഘോഷത്തിന്റെ ഭാഗമായി ഉണ്ടാകുക. മാധ്യമ സെമിനാര്‍, മെഗാ മെഡിക്കല്‍ ക്യാമ്പ്, എക്‌സിബിഷന്‍, വിദ്യാഭ്യാസ സാംസ്‌കാരിക സമ്മേളനം, മാഗസിന്‍, ഡോക്യൂമെന്ററി പ്രകാശനം, പൂര്‍വ വിദ്യാര്‍ഥിഅധ്യാപക സംഗമങ്ങള്‍ എന്നിവ നടക്കും. ഇന്ന് വൈകിട്ട് മൂന്നിന് കൊണ്ടോട്ടിയില്‍ ഘോഷയാത്ര നടത്തും.1976ല്‍ നെടിയിരുപ്പ് മുസ്‌ലിം എജ്യുക്കേഷണല്‍ അസോസിയേഷന് കീഴില്‍ ഹൈസ്‌കൂളായിട്ടാണ് പ്രവര്‍ത്തനം ആരംഭിച്ചത്. .
വാര്‍ത്താസമ്മേളനത്തില്‍ മാനേജര്‍ എം. അബൂബക്കര്‍ ഹാജി, സെക്രട്ടറി കെ.ടി. അബ്ദുറഹ്മാന്‍ മാസ്റ്റര്‍, പ്രിന്‍സിപ്പല്‍ സി.എം. അബ്ദുല്‍ ബഷീര്‍, പ്രധാനാധ്യാപകന്‍ പി.എ. അബ്ദുറഹ്മാന്‍, സ്റ്റാഫ് സെക്രട്ടറി എം. അബ്ദുല്‍ മജീദ്, പബ്‌ളിസിറ്റി കണ്‍വീനര്‍ വി.പി. സിദ്ദീഖ്, എന്‍.ഇ. അബൂഹാമിദ്, കെ.കെ. ലത്തീഫ്, മുഹമ്മദ് കുട്ടി,സല്‍മാനി എന്നിവര്‍ സംബന്ധിച്ചു.