പാനൂര്‍:പൊതുവിദ്യാലയങ്ങള്‍ വികസന പാതയിലാണെന്ന് വഖഫ് ബോര്‍ഡ് ചെയര്‍മാന്‍ റഷീദലി ശിഹാബ്തങ്ങള്‍. സര്‍ക്കാര്‍സ്‌കൂളുകള്‍ നമ്മുടെ സംസ്‌കാരത്തിന്റെ ഭാഗമാണ്. ബഹുസ്വര കേരളത്തിെന്റ ഭാഗമായി മാറ്റിയത് പൊതുവിദ്യാലയങ്ങളാണെന്നും തങ്ങള്‍ പറഞ്ഞു.
പാനൂര്‍ തിരുവാല്‍ യു.പി സ്‌കൂളിനു വേണ്ടണ്ടി നിര്‍മിക്കുന്ന പുതിയ കെട്ടിടത്തിന്റെ ശിലാസ്ഥാപന കര്‍മം നിര്‍വഹിച്ചു സംസാരിക്കുകയായിരുന്നു തങ്ങള്‍. വി ഹാരിസ് അധ്യക്ഷനായി. രക്ഷാകര്‍തൃ സംഗമം മുന്‍ എം.എല്‍.എ കെ.ടി കുഞ്ഞമ്മദ് നിര്‍വഹിച്ചു.
കെ.പി.എ റഹീം മുഖ്യപ്രഭാഷണം നടത്തി. വഖഫ് ബോര്‍ഡ് അംഗങ്ങളായ അഡ്വ.പി.വി സൈനുദ്ദിന്‍, അഡ്വ.ഷറഫുദ്ദിന്‍, പൊട്ടങ്കണ്ടണ്ടി അബ്ദുളള, കെ.പി ഹാഷിം, കെ.പി അബ്ദുല്ല, ഇ.എ നാസര്‍, എന്‍.കെ നാണു, പി.കെ ശാഹുല്‍ ഹമീദ്, യഹ്ഖൂബ് എലാങ്കോട്, പി.കെ ഇബ്രാഹിം ഹാജി, എന്‍.കെ മൊയ്തു, വി.പി ശോഭന സംസാരിച്ചു.