കണ്ണൂര്‍: എക്‌സൈസ് റെയ്ഞ്ചും കണ്ണൂര്‍ റെയില്‍വേ സംരക്ഷണ സേനയും സംയുക്തമായി നടത്തിയ ട്രെയിന്‍ പരിശോധനയില്‍ 30 കുപ്പി ഗോവന്‍ നിര്‍മിത വിദേശമദ്യം പിടികൂടി. ക്രിസ്മസ്, പുതുവത്സരാഘോഷങ്ങളുടെ ഭാഗമായി വന്‍തോതില്‍ മദ്യവും മയക്കുമരുന്നും ട്രെയിന്‍ വഴി എത്തുന്നതു തടയാനായി എക്‌സൈസ് നടത്തുന്ന എന്‍ഫോഴ്‌സ്‌മെന്റിന്റെ ഭാഗമായാണ് പരിശോധന നടത്തിയത്. അസിസ്റ്റന്റ് റെയ്ഞ്ച് ഇന്‍സ്‌പെക്ടര്‍ കെ.പി ബാലകൃഷ്ണന്‍, ആര്‍.പി.എഫ് എ.എസ്.ഐ കതിരേഷ് ബാബു, സിവില്‍ എക്‌സൈസ് ഓഫിസര്‍മാരായ ഷെനിത് രാജ്, ഷജിത്, രാജേഷ്, മുഹമ്മദ് ഹാരിസ്, സുഹൈല്‍, സുജിത്, ഡ്രൈവര്‍ സൂരജ് എന്നിവരടങ്ങിയ സംഘമാണു മദ്യം പിടികൂടിയത്.