മുണ്ടേരി: തണ്ടപ്പുറം മഹല്ല് മുസ്‌ലിം ജമാഅത്ത് കമ്മിറ്റിയുടെയും കുറ്റിയാട്ടൂര്‍ പഞ്ചായത്തിന്റേയും കണ്ണൂര്‍ ജില്ലാ ശുചിത്വ മിഷന്റെയും കുറ്റിയാട്ടൂര്‍ കൃഷിഭവന്റേയും സംയുക്താഭിമുഖ്യത്തില്‍ നബിദിനത്തിന്റെ ഭാഗമായി മഹല്ലിലെ വീടുകളില്‍ വൃക്ഷത്തൈ വിതരണം, അബ്ദുല്‍ ഖാദറിന്റെ സ്മരണാര്‍ഥം നിര്‍മിക്കുന്ന ലൈബ്രറി പുസ്തക കൈമാറ്റം, പറവകള്‍ക്ക് തണ്ണീര്‍കുടം, ജൈവകൃഷി വിത്ത് വിതരണം, ജൈവ അജൈവ മാലിന്യസംസ്‌കരണ പരിശീലനം, ജല സംരക്ഷണ ബോധവല്‍ക്കരണ സെമിനാര്‍, മഹല്ലിലെ യുവ കര്‍ഷകന്‍ ഇരിങ്ങാട്ടു മൊയ്തീനെ ആദരിക്കല്‍ തുടങ്ങിയവ നടക്കും. പ്രവര്‍ത്തനങ്ങളുടെ ഉദ്ഘാടനം ഇന്നു ഉച്ചയ്ക്ക് രണ്ടിന് തണ്ടപ്പുറം മദ്‌റസയില്‍ നടക്കും.