കാഞ്ഞങ്ങാട്: ക്രിമിനല്‍ കേസുകളില്‍ പ്രതിയായ യുവാവിനെ പൊലിസ് അറസ്റ്റു ചെയ്തു. കാഞ്ഞങ്ങാട് സൗത്ത് മൂവാരിക്കുണ്ടിലെ രാജന്‍ എന്ന ചെട്ടി രാജനെ (31)യാണു ഹൊസ്ദുര്‍ഗ് പൊലിസ്  അറസ്റ്റു ചെയ്തത്. കാഞ്ഞങ്ങാട് സൗത്തിലും പരിസരങ്ങളിലും നടന്ന രാഷ്ട്രീയ അക്രമം ഉള്‍പ്പെടെ അഞ്ചു കേസുകളില്‍ പ്രതിയായ രാജന്‍ ബി.ജെ.പി പ്രവര്‍ത്തകന്‍ കൂടിയാണ്.
പ്രദേശത്തെ സൈ്വര ജീവിതത്തിന് ഇയാള്‍  ഭീഷണി സൃഷ്ടിക്കുകയാണെന്നും അക്രമ കേസുകളില്‍ ജാമ്യത്തിലിറങ്ങിയാല്‍ കോടതിയുടെ ജാമ്യ വ്യവസ്ഥ ഇയാള്‍ ലംഘിക്കുകയും തുടര്‍ന്നു വീണ്ടും  അക്രമങ്ങളില്‍ ഏര്‍പ്പെടുകയാണെന്നും പൊലിസ് കലക്ടര്‍ക്കു റിപ്പോര്‍ട്ടു നല്‍കിയിരുന്നു.