തലശ്ശേരി: ജില്ലാ സ്‌കൂള്‍ കലോത്സവത്തില്‍ മൂന്നു ദിനം പിന്നിട്ടപ്പോള്‍ എച്ച്.എസ്, എച്ച്.എസ്.എസ്, യു.പി വിഭാഗങ്ങളില്‍ കണ്ണൂര്‍ നോര്‍ത്ത് മുന്നില്‍. ഓരോ വിഭാഗത്തിലും യഥാക്രമം 171, 186, 89 പോയിന്റുകളുണ്ട്. എച്ച്.എസ് വിഭാഗത്തില്‍ പയ്യന്നൂര്‍(152), പാനൂര്‍(151) എന്നിവര്‍ യഥാക്രമം രണ്ടും മൂന്നും സ്ഥാനത്തുണ്ട്. എച്ച്.എസ്.എസ് വിഭാഗത്തില്‍ 183 പോയിന്റോടെ പയ്യന്നൂരാണ് രണ്ടാമത്. ഒരു പോയിന്റ് വ്യത്യാസത്തില്‍ ഇരിട്ടി തൊട്ടുപിന്നിലുണ്ട്. യു.പി വിഭാഗത്തില്‍ ഇരിട്ടിയാണ്(87) രണ്ടാമത്. 83 പോയിന്റോടെ മാടായി, തലശ്ശേരി സൗത്ത്, പയ്യന്നൂര്‍ ഉപജില്ലകളാണ് മൂന്നാമത്. മറ്റു വിഭാഗങ്ങളില്‍ മുന്നിലുള്ള ഉപജില്ലകള്‍: എച്ച്.എസ് സംസ്‌കൃതം 1, കണ്ണൂര്‍ സൗത്ത്, മട്ടന്നൂര്‍(38) 2, പയ്യന്നൂര്‍(36) 3, തലശ്ശേരി നോര്‍ത്ത്, തളിപ്പറമ്പ് നോര്‍ത്ത്(34). യു.പി സംസ്‌കൃതം1, കണ്ണൂര്‍ നോര്‍ത്ത്, ഇരിട്ടി, കണ്ണൂര്‍ സൗത്ത്, ചൊക്ലി(45) 2, മാടായി, പയ്യന്നൂര്‍(43) 3, പാപ്പിനിശ്ശേരി(41). എച്ച്.എസ് അറബിക് 1, ചൊക്ലി, കണ്ണൂര്‍ നോര്‍ത്ത്(40) 2, തളിപ്പറമ്പ് നോര്‍ത്ത്(38) 3, ഇരിട്ടി, തലശ്ശേരി നോര്‍ത്ത്(36). യു.പി അറബിക് 1, തളിപ്പറമ്പ് നോര്‍ത്ത്(40) 2, പാനൂര്‍, ചൊക്ലി(38) 3, തലശ്ശേരി നോര്‍ത്ത്, കണ്ണൂര്‍ നോര്‍ത്ത്(36).
എച്ച്.എസ് വിഭാഗം സ്‌കൂളുകളില്‍ 101 പോയിന്റോടെ മൊകേരി രാജീവ്ഗാന്ധി എം.എച്ച്.എസ് ആണ് മുന്നില്‍. രണ്ടാമത് കടമ്പൂര്‍(89) എച്ച്.എസ്.എസും എച്ച്.എസ്.എസ് വിഭാഗത്തില്‍ പെരളശ്ശേരി എ.കെ.ജി.ജി.എച്ച്.എസ്.എസും(83) മൊകേരി രാജീവ്ഗാന്ധി എം.എച്ച്.എസും(69) ആണ് ഒന്നും രണ്ടും സ്ഥാനത്ത്. യു.പിയില്‍ കണ്ണൂര്‍ സെന്റ് തെരേസാസ് എ.ഐ.എച്ച്.എസ്.എസ് ആണ് മുന്നില്‍. പയ്യന്നൂര്‍ സെന്റ് മേരീസ് ഗേള്‍സ് രണ്ടാം സ്ഥാനത്തുണ്ട്.