ബാലുശ്ശേരി: പഠനത്തില്‍ മാത്രമല്ല അതിലൂടെ ജീവിതത്തിലും എപ്ലസ് നേടിയെടുക്കാന്‍ വിദ്യാര്‍ഥികള്‍ക്ക് സാധിക്കണമെന്ന് വിദ്യാഭ്യാസ മന്ത്രി പ്രൊഫ.സി.രവീന്ദ്രനാഥ്. ബാലുശ്ശേരി ഗവ.ഹയര്‍ സെക്കന്‍ഡറി സ്‌കൂളില്‍ ഗേറ്റ്, തെളിച്ചം പഠന പദ്ധതികളുടെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
സ്‌കൂളിലെ അഞ്ചുമുതല്‍ പത്തുവരെ ക്ലാസുകളില്‍ പഠിക്കുന്ന പ്രതിഭാധനരായ വിദ്യാര്‍ഥികളെ ലോകോത്തര നിലവാരത്തിലേക്കുയര്‍ത്തുന്നതിനുള്ള കര്‍മ പദ്ധതിയ്ക്കാണ് ഗേറ്റിലൂടെ രൂപം നല്‍കിയിരിക്കുന്നത്. പുരുഷന്‍ കടലുണ്ടി എം.എല്‍.എ അധ്യക്ഷനായി. ദേശീയ ജൂനിയര്‍ അത്‌ലറ്റിക് മീറ്റില്‍ 800 മീറ്ററില്‍ വെള്ളി മെഡല്‍ നേടിയ അതുല്യ ഉദയന്‍, സംസ്ഥാന സ്‌കൂള്‍ കായിക മേളയില്‍ 400 മീറ്റര്‍ റിലേയില്‍ സ്വര്‍ണം നേടിയ ബിസ്മി ജോസഫ് എന്നിവര്‍ക്ക് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉപഹാരം നല്‍കി. പി.ടി.എ പ്രസിഡന്റ് അനൂപ്, വാര്‍ഡ് മെമ്പര്‍ റീജ കണ്ടോത്ത് കുഴിയില്‍, ഡോ. കെ.ശ്രീകുമാര്‍, ഹെഡ്മിസ്ട്രസ് അജിത മാധവന്‍ സംസാരിച്ചു.