ന്യൂഡല്‍ഹി: ഉത്തരേന്ത്യയില്‍ കനത്ത മൂടല്‍മഞ്ഞ്. റെയില്‍, റോഡ്, വിമാന സര്‍വിസുകള്‍ തടസ്സപ്പെട്ടു.

11 ട്രെയിനുകള്‍ റദ്ദാക്കിയതായി റെയില്‍വേ അറിയിച്ചു. 18 ട്രെയിനുകള്‍ വൈകിയോടുന്നു.


ഇന്ദിരാ ഗാന്ധി വിമാനത്താവളത്തില്‍നിന്നുള്ള വിമാന സര്‍വിസുകളേയും മഞ്ഞു ബാധിച്ചു.

ആറ് അന്താരാഷ്ട്ര സര്‍വിസുകളും 16 ആഭ്യന്തര സര്‍വിസുകളും പുനഃക്രമീകരിച്ചു.


ശീതക്കാറ്റും മഞ്ഞും ലക്‌നൗ, കാന്‍പൂര്‍, മൊറാദാബാദ് എന്നിവിടങ്ങളിലും ജനജീവിതം ദുസ്സഹമാക്കി.


ഡല്‍ഹിയില്‍ ഇന്നു രാവിലെ അനുഭവപ്പെട്ട ശരാശരി താപനില 11.2 ഡിഗ്രി സെല്‍ഷ്യസ് ആണ്.