കോഴിക്കോട്: പുതിയങ്ങാടിയില്‍ ബിയ മന്‍സിലില്‍ ഫര്‍ഹാദിന്റെ വീട്ടുമുറ്റത്തു നിര്‍ത്തിയിട്ട നാലു ബൈക്കുകള്‍ സാമൂഹ്യദ്രോഹികള്‍ തീവച്ചു  നശിപ്പിച്ചു. ഫര്‍ഹദിന്റെ ബൈക്കും സഹോദരന്‍ ജാബിറിന്റെ രണ്ടു ബൈക്കുകളും പിതാവിന്റെ സ്‌കൂട്ടറുമാണ് കത്തി നശിച്ചത്. ജനല്‍ചില്ലുകള്‍ പൊട്ടിത്തെറിക്കുന്ന ശബ്ദംകേട്ടു വീട്ടുകാര്‍ ഉണര്‍ന്നപ്പോഴാണ് ബൈക്കുകള്‍ കത്തുന്നത് കണ്ടത്. വീടിന്റെ കാര്‍പോര്‍ച്ചിലെ ടൈല്‍സുകള്‍ അടര്‍ന്നിട്ടുണ്ട്. ഒരുമാസം മുന്‍പാണ് വിദേശത്ത് ജോലി ചെയ്യുന്ന ഫര്‍ഹാദ് നാട്ടിലെത്തിയത്. നേരത്തെ പുതിയങ്ങാടി തളിയാടത്ത് സൂര്യംകണ്ടി മുരളീധരന്റെ വീട്ടില്‍ നിര്‍ത്തിയിട്ട നാലു ബൈക്കുകള്‍  ഇത്തരത്തില്‍ കത്തിയിരുന്നു. സംഭവത്തില്‍ പെട്രോള്‍ മോഷ്ടിക്കുന്ന പ്രതികളെ പൊലിസ് പിടികൂടിയിരുന്നു.