പള്ളിക്കുന്ന്: പള്ളിക്കുന്ന് ക്ഷീരോല്‍പാദക സഹകരണ സംഘത്തിന്റെ സുവര്‍ണ ജൂബിലിയുടെ സമാപന സമ്മേളനം വിവിധ പരിപാടികളോടെ നടത്തി. സംഘത്തില്‍ സ്ഥാപിച്ച ഉല്‍പ്പന്ന നിര്‍മാണ പ്ലാന്റിന്റെ ഉദ്ഘാടനം സി.കെ. ശശീന്ദ്രന്‍ എം.എല്‍.എ. നിര്‍വഹിച്ചു.
സുവര്‍ണ്ണ ജൂബിലി സമാപന സമ്മേളനം മാനന്തവാടി  എം.എല്‍.എ. ഒ.ആര്‍. കേളു ഉദ്ഘാടനം ചെയ്തു. സുവനീര്‍ മില്‍മ ചെയര്‍മാന്‍ പി.ടി. ഗോപാലക്കുറുപ്പ് ഉദ്ഘാടനം ചെയ്തു. സംഘം വിപണിയിലിറക്കുന്ന ജൂബിലി മില്‍ക്കിന്റെ വിപണനോദ്ഘാടനം ജില്ലാ ബാങ്ക് ജനറല്‍ മാനേജര്‍ പി. ഗോപകുമാറും, ക്ഷീര കര്‍ഷകര്‍ക്കായി തയ്യാറാക്കുന്ന സ്മാര്‍ട്ട് കാര്‍ഡ് വിതരണോദ്ഘാടനം ക്ഷീര വികസന വകുപ്പ് ഡെപ്യുട്ടി ഡയറക്ടര്‍ ജോസ് ഇമാനുവലും, ഓട്ടോ ലാബ് ഉദ്ഘാടനം ക്ഷീര വികസന വകുപ്പ് പരിശീലനകേന്ദ്രം പ്രിന്‍സിപ്പല്‍ എം. പ്രകാശും നിര്‍വഹിച്ചു.
മുന്‍ ജീവനക്കാരെ പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ് ദിലീപ് കുമാര്‍ ആദരിച്ചു. യോഗത്തില്‍ ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി അധ്യക്ഷത വഹിച്ചു. സംഘം പ്രസിഡന്റ് ഒ.വി. അപ്പച്ചന്‍, പി. ഇസ്മായില്‍, ഫാ. ജോസ് തേക്കനാടി, സി.ജെ. ജോണ്‍, ശാരദ മണിയന്‍, പ്രജിഷ, പി.ജെ. ദേവസ്യ, ജോണ്‍ എബ്രഹാം, എസ്.ആര്‍. പ്രഭാകരന്‍പിള്ള, കെ.വി. വര്‍ക്കി, എ.ഡി. മാത്യു, എന്‍.ജെ. ടോമി, ടി.എം. മാണി, സുനില്‍ ബാബു, ലിസ്സി ലോനപ്പന്‍, കെ.എം. മോളി, ശശികുമാര്‍ സംസാരിച്ചു.