ആറ്റിങ്ങല്‍: ബൈക്കിലെത്തിയ സംഘം വിദ്യാര്‍ഥിനികളുടെ ബാഗുകള്‍ തട്ടിയെടുക്കാന്‍ ശ്രമിച്ചതായി  പരാതി. ആറ്റിങ്ങല്‍ വാട്ടര്‍ അതോറിറ്റി റോഡില്‍ ഇന്നലെ രാവിലെ പത്തുമണിയോടെയായിരുന്നു സംഭവം.
ട്യൂഷന്‍ സെന്ററിലേക്കു പോവുകയായിരുന്ന  വിദ്യാര്‍ഥിനികളെ സംഘം  തടഞ്ഞു നിര്‍ത്തി ബാഗ് തട്ടിപ്പറിക്കാന്‍ ശ്രമിക്കുകയായിരുന്നു.കുട്ടികള്‍ ബഹളമുണ്ടാക്കി അടുത്ത വീട്ടില്‍ അഭയം തേടിയതിനാല്‍ സംഘത്തിന്റെ ശ്രമം  വിഫലമായി.
വിവരമറിഞ്ഞ്  രക്ഷിതാക്കളെത്തിയാണ്  കുട്ടികളെ തിരികെ കൊണ്ടുപോയത്. ഉടന്‍ തന്നെ പൊലിസില്‍ വിവരം  അറിയിച്ചെങ്കിലും അവര്‍ തിരിഞ്ഞു നോക്കിയില്ലെന്നു രക്ഷിതാക്കള്‍ പറഞ്ഞു. എന്നാല്‍ ഇങ്ങനെ ഒരു സംഭവം റിപ്പോര്‍ട്ട് ചെയ്തിട്ടില്ലെന്നാണ് പൊലിസ് പറയുന്നത്. അതേ സമയം പട്ടാപ്പകല്‍ , തിരക്കുള്ള റോഡില്‍ നടന്ന സംഭവം പ്രദേശവാസികളെ ആശങ്കയിലാക്കിയിട്ടുണ്ട്.