കോഴിക്കോട്: തെരഞ്ഞെടുപ്പ് തോല്‍വിക്കു കാരണം നേതൃത്വത്തിന്റെ വീഴ്ചയാണെന്ന വിമര്‍ശനവുമായി അഡ്വ. ശ്രീധരന്‍ പിള്ളയും രംഗത്ത്. നേതാക്കള്‍ സഹകരിച്ചിരുന്നുവെങ്കില്‍ ചെങ്ങന്നൂര്‍ മണ്ഡലത്തില്‍ വിജയിക്കുമായിരുന്നുവെന്ന് ശ്രീധരന്‍ പിള്ള പറഞ്ഞു.

പ്രവര്‍ത്തകര്‍ കൂടെ നടന്ന് പിന്തുണച്ചപ്പോള്‍ ബി.ജെ.പി നേതാക്കള്‍ തന്നെ അവഗണിക്കുകയായിരുന്നു. നേതാക്കളോ കേന്ദ്രമന്ത്രിമാരോ താന്‍ മത്സരിച്ച മണ്ഡലത്തില്‍ പ്രചാരണത്തിന് എത്തിയില്ലെന്നും അദ്ദേഹം കുറ്റപ്പെടുത്തി.

പാലക്കാട്ട് തന്നെ ബോധപൂര്‍വ്വം തോല്‍പ്പിക്കുകയായിരുന്നുവെന്നു കാട്ടി ശോഭാ സുരേന്ദ്രന്‍ അമിത്ഷായ്ക്കു കത്തെഴുതിയിരുന്നു.