തപാല്‍ സ്റ്റാമ്പില്‍ ഇനിമുതല്‍ സ്വന്തം ഫോട്ടോയും

backup

December 12 2016 | 01:12 AM

%e0%b4%a4%e0%b4%aa%e0%b4%be%e0%b4%b2%e0%b5%8d%e2%80%8d-%e0%b4%b8%e0%b5%8d%e0%b4%b1%e0%b5%8d%e0%b4%b1%e0%b4%be%e0%b4%ae%e0%b5%8d%e0%b4%aa%e0%b4%bf%e0%b4%b2%e0%b5%8d%e2%80%8d-%e0%b4%87%e0%b4%a8%e0%b4%bf

തൊടുപുഴ: തപാല്‍ സ്റ്റാമ്പില്‍ ഇനിമുതല്‍ സ്വന്തം ഫോട്ടോയും പകര്‍ത്താം. തപാല്‍ സ്റ്റാമ്പില്‍ മഹാന്മാരുടെ ഫോട്ടേകള്‍ മാത്രം കണ്ടുശീലിച്ച പതിവിന് ഇതോടെ മാറ്റം വരികയാണ്.
'എന്റെ സ്റ്റാമ്പ്' എന്ന പേരില്‍ നടപ്പാക്കുന്ന പാരിപാടിയുടെ പോസ്റ്റല്‍ സാധുതയുള്ള പോസ്റ്റല്‍ സ്റ്റാമ്പ് അച്ചടിച്ച് ആവശ്യകാര്‍ക്ക് വിതരണം ചെയ്യും. പൂരിപ്പിച്ച അപേക്ഷയും സ്റ്റാമ്പില്‍ പ്രസിദ്ധീകരിക്കാനുള്ള ഫോട്ടോയും തിരിച്ചറിയല്‍ കാര്‍ഡും മുന്നൂറ് രൂപയും കൊടുത്ത് പദ്ധതിയില്‍ പങ്കാളിയാകാം. വ്യക്തികള്‍ക്ക് മാത്രമല്ല സ്ഥാപനങ്ങള്‍ക്കും ലോഗോയോടുകൂടി സ്റ്റാമ്പ് പ്രിന്റ് ചെയ്ത് ലഭിക്കും.
പദ്ധതിയുടെ ജില്ലാതല ഉദ്ഘാടനം സാന്‍ജോ സി.എം.ഐ പബ്ലിക് സ്‌കൂളില്‍ നടന്നു. ജില്ലാ പോസ്റ്റല്‍ സൂപ്രണ്ട് ഇ.ടി ഹരി സ്‌കൂളിന്റെ ഫോട്ടോ പ്രിന്റ് ചെയ്ത സ്റ്റാമ്പ് സ്‌കൂള്‍ പ്രിന്‍സിപ്പല്‍ ഫാ. ജോണ്‍സണ്‍ പാലപ്പിളിക്ക് കൈമാറി ആദ്യപ്രകാശം നിര്‍വഹിച്ചു.
ജില്ലാ പോസ്റ്റല്‍ പബ്ലിക് റിലേഷന്‍സ് ഓഫീസര്‍ യു .എ രാജേന്ദ്രന്‍ പദ്ധതി വിശദീകരണം നടത്തി. ഇവാന്‍ ജോര്‍ജ്, അല്‍ഫോന്‍സ് മരിയ എന്നീ വിദ്യാര്‍ഥികള്‍ക്ക് ഫോട്ടോ സ്റ്റാമ്പ് വിതരണം ചെയ്തു. കൊടുവേലി പോസ്റ്റ് മാസ്റ്റര്‍ ജോസ് ആദംകുഴി സ്റ്റാമ്പിനുള്ള അപേക്ഷകള്‍ വിദ്യാര്‍ഥികളില്‍നിന്ന് സ്വീകരിച്ചു.
സ്റ്റാഫ് പ്രതിനിധി ഗായത്രി അനില്‍കുമാര്‍ നന്ദി പറഞ്ഞു. പദ്ധതിയുടെ കൂടുതല്‍ വിവരങ്ങള്‍ തൊട്ടടുത്ത പോസ്റ്റ് ഓഫീസിലൊ 9447824923 എന്ന ഫോണ്‍ നമ്പരിലൊ ലഭിക്കും.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."