ഈരാറ്റുപേട്ട: ദക്ഷിണ കേരളാ ലജ്‌നത്തുല്‍ മുഅല്ലിമീന്‍ മേഖലാ കമ്മിറ്റിയുടെ ആഭിമുഖ്യത്തില്‍ ഇന്ന് രാവിലെ എട്ടിന് മദ്‌റസാ വിദ്യാര്‍ഥികളുടെ നബിദിന ഘോഷയാത്ര നടക്കും. വൈകുരേം അഞ്ചിന് കടുവാമൂഴിയില്‍ നിന്നാരംഭിക്കുന്ന ബഹുജന റാലിക്ക് ഈരാറ്റുപേട്ടയില്‍ വിവിധ പള്ളികളിലെ ഇമാമുമാര്‍ നേതൃത്വം നല്‍കും. വൈകുരേം ഏഴിന് ഹയാത്തുദീന്‍ ഗ്രൗണ്ടില്‍ നടക്കുന്ന നബിദിന സമ്മേളനം ഒടിയപാറ അഷറഫ് മൗലവി ഉദ്ഘാടനം ചെയ്യും. മേഖലാ പ്രസിഡന്റ് മുഷ്താഖ് മൗലവി അധ്യക്ഷനാവും. കെ.എച്ച്. ഇസ്മായില്‍ മൗലവി, റ്റി.എം. ഇബ്രാഹിം കുട്ടി മൗലവി, വി.പി. സുബൈര്‍ മൗലവി എന്നിവര്‍ പ്രസംഗിക്കും.