പാലക്കാട്: വടക്കഞ്ചേരി ശ്രീകുറുംബാ ട്രസ്റ്റ് സംഘടിപ്പിച്ച പതിനാറാമത് സമൂഹവിവാഹത്തില്‍ 19 പേര്‍ സുമംഗലികളായി. മുന്‍ മന്ത്രി കെ.ഇ. ഇസ്മയില്‍ ദീപം തെളിയിച്ചു.
വധൂവരന്മാര്‍ക്ക് ചെയര്‍മാന്‍ പി. എന്‍. സി. മേനോന്‍, ഭാര്യ ശോഭ മേനോന്‍, മകന്‍ രവി മേനോന്‍, മരുമകള്‍ സുധ മേനോന്‍ സ്വര്‍ണാഭരണങ്ങളും, വസ്ത്രങ്ങളും, പാത്രങ്ങളും വധൂവരന്മാര്‍ക്ക് നല്‍കി. ചടങ്ങില്‍ കൃഷി മന്ത്രി വി.എസ്. സുനില്‍ കുമാര്‍, എം.പി. സി. എന്‍. ജയദേവന്‍, എം.എല്‍.എമാരായ കെ. ഡി. പ്രസേനന്‍, കെ. ബാബു, അനില്‍ അക്കര, സിനിമ നടന്‍ വി.കെ. ശ്രീകണ്ഠന്‍, മുന്‍ മന്ത്രി വി.സി. കബീര്‍ സംബന്ധിച്ചു.
കുറുമ്പട്രസ്റ്റ് ഇതുവരെ നടത്തിയ സ്ത്രീധന രഹിത സമൂഹ വിവാഹത്തില്‍ 510 പെണ്‍കുട്ടികള്‍ സുമംഗലികളായി.
വിവാഹശേഷം ആവശ്യമുള്ളവര്‍ക്ക് സാമ്പത്തിക സഹയാവും, കൗണ്‍സിലിംഗും ട്രസ്റ്റ് നല്‍കി വരുന്നുണ്ട്.