ബംഗളൂരു: ഇന്ത്യയുടെ പങ്കജ് അദ്വാനിക്ക് ലോക ബില്ല്യാര്‍ഡ്‌സ് ചാംപ്യന്‍ഷിപ്പില്‍ കിരീടം. ഫൈനല്‍ പോരാട്ടത്തില്‍ നിലവിലെ ലോക ചാംപ്യനായ സിംഗപ്പൂരിന്റെ പീറ്റര്‍ ഗില്‍ക്രിസ്റ്റിനെ പരാജയപ്പെടുത്തിയാണ് പങ്കജ് കിരീടം നേടിയത്. കരിയറില്‍ ഇന്ത്യന്‍ താരം നേടുന്ന പതിനൊന്നാം ലോക കിരീടമാണിത്.
16ാം ലോക കിരീടം ലക്ഷ്യമിട്ടിറങ്ങിയ ഗില്‍ക്രിസ്റ്റിനെ 6-3നാണ് പങ്കജ് അട്ടിമറിച്ചത്. സ്‌കോര്‍: 151 (98)- 33, 150 (97)-95, 124-150, 101 (98)-150 (89), 150 (87)-50, 152-37, 86 (86)-150, 151 (110)-104, 150 (88)-15.
നേരത്തെ സെമിയില്‍ മ്യാന്മറിന്റെ ഔങ് ഹതെയെ 5- 0നു കീഴടക്കിയാണ് പങ്കജ് ഫൈനലില്‍ പ്രവേശിച്ചത്. ഇന്ത്യയുടെ ധ്വജ് ഹരിയയെ 5-1നു പരാജയപ്പെടുത്തിയാണ് ഗില്‍ക്രിസ്റ്റ് കിരീട പോരാട്ടത്തിനെത്തിയത്.