വടകര: ദേശീയപാതയില്‍ അടക്കാത്തെരു ജങ്ഷനിലുണ്ടായ വാഹനാപകടത്തില്‍ ഏഴ് അയ്യപ്പഭക്തര്‍ക്ക് പരുക്കേറ്റു. ഇവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇന്നലെ പുലര്‍ച്ചെയാണ് അപകടം.
കണ്ണൂര്‍ ചെറുപുഴ പുളിങ്ങോത്ത് നിന്നു ശബരിമല ദര്‍ശനത്തിനു പോയി മടങ്ങുന്നവരാണ് അപകടത്തില്‍പ്പെട്ടത്. ഇവര്‍ സഞ്ചരിച്ച ടാറ്റാ സുമോ ഡിവൈഡറില്‍ തട്ടി മറിയുകയും തുടര്‍ന്ന് ലോറിയിടിക്കുകയുമായിരുന്നു.
എരയക്കാട്ട് തങ്കമ്മ, മകളുടെ മകള്‍ അഞ്ജലി, അച്ഛന്‍ മഹേഷ്, പ്രവീണ്‍ പൂതക്കുഴി, മഹേഷ്, സജി, ഇയാളുടെ മാതാവ് എന്നിവര്‍ക്കാണ് പരുക്കേറ്റത്.
പുളിങ്ങോം ശങ്കരനാരായണ ക്ഷേത്രത്തില്‍ നിന്ന് കെട്ട് നിറച്ച് പോയവരാണ് അപകടത്തില്‍പ്പെട്ടത്.