മലപ്പുറം: ഗവ. ബോയ്‌സ് ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റിന്റെ നേതൃത്വത്തില്‍ 'ഗ്രാമദീപം' പദ്ധതി തുടങ്ങി. പദ്ധതി പ്രകാരം ഈ വര്‍ഷം കോഡൂര്‍ പഞ്ചായത്തിലെ പത്താം വാര്‍ഡ് വലിയാടിനെ ദത്തെടുക്കും.
വലിയാട് വാര്‍ഡില്‍ പൊതുജല സ്രോതസുകളുടെ സംരക്ഷണം, മഴക്കുഴി നിര്‍മാണം, തടയണ നിര്‍മാണം, അങ്കണവാടി ശാക്തീകരണം, ജൈവ പച്ചക്കറി കൃഷി തോട്ട നിര്‍മാണം മുതലായവക്ക് ആവശ്യമായ സേവനം ഗവ. ബോയ്‌സ് സ്‌കൂളിലെ എന്‍.എസ്.എസ് വള@ിയര്‍മാര്‍ നല്‍കും.
വലിയാട്ടില്‍ നടന്ന ചടങ്ങില്‍ 'ഗ്രാമദീപം' പദ്ധതി പ്രകാരം വലിയാടിനെ ദത്തെടുത്തതായി പി. ഉബൈദുല്ല എം.എല്‍.എ പ്രഖ്യാപിച്ചു. പഞ്ചായത്ത് പ്രസിഡന്റ് സി.പി ഷാജി അധ്യക്ഷനായി. പഞ്ചായത്ത് അംഗം കെ.എം സുബൈര്‍, സെക്രട്ടറി കെ. പ്രേമാനന്ദന്‍, ഗവ. ബോയ്‌സ് ഹയര്‍സെക്കന്‍ഡറി സ്‌കൂള്‍ പ്രിന്‍സിപ്പള്‍ കെ.പി ബീന, എന്‍.എസ്.എസ് ക്ലസ്റ്റര്‍ കോഡിനേറ്റര്‍ അനീസ്, എന്‍.എസ്.എസ് പ്രോഗ്രാം ഓഫിസര്‍ വി.പി മുഹമ്മദ് ബഷീര്‍, പി.പി അബ്ദുല്‍ നാസര്‍, പ്രഥമാധ്യാപകന്‍ കെ.എം മുസ്തഫ തുടങ്ങിയവര്‍ സംസാരിച്ചു.